維記咖啡粉麵

营业中

休息中

☘️最近好几间代表香港味道嘅食店相继结业，令我开始萌生一个要到访全港九新界各区嘅怀旧香港味道美食的念头！谂起之前去过响深水埗嘅维记，就决定响今日公众假期去揾返𠮶种味道😜☘️呢度最出名嘅系佢嘅猪膶同牛肉，可以拣双拼，仲有餐肉，五香肉丁，鸡蛋等等，点拼都得。又可以拣公仔面，米粉，通粉。份量好大，料好足😋👍 ☘️第一次食可能会比佢吓亲因为真系好大碗，卖相唔系太靓，面头舖满一层泡，系煮肉同膶浮面𠮶只，不过食落啲猪膶好爽口，配合一点点姜味好正。牛肉就稍为有点淋，感觉像一般餐厅，也是用了泡打粉或松肉粉令肉质鲜嫩啲，其实我个人宁愿佢实啲更有咬劲😜☘️今次细佬拣咗面，我哋就拣咗通粉，我见面煮得生熟度唔错，仲保持爽口，通粉都几好👍 之前见其他食评话煮得太淋太烂都有啲惊，我哋都算幸运😜☘️不过整体而言佢嘅味道仍然系唔错。藉得一提嘅系呢间维记一共有三个舖位就在左右隔离，最右边𠮶间老店系最好食嘅，但装修最古老最细，坐位少坐得冇咁舒服。冷气也比较弱。本来我哋想食呢间点知撞啱佢哋封咗俾员工用膳所以只能去中间𠮶间。