Owens

营业中

休息中

本身以为依间都系普通打卡餐厅但真系好有惊喜首先，食物质素好高，特别系千层面，外脆内软，里面有茄子好入味好夹。另外特别想赞赏嘅系服务，因为今晚系同朋友庆祝生日，估唔到佢哋会送一个巴斯克芝士蛋糕俾我哋，个伴碟仲要好靓，重点系我想讲: 就算系一个送嘅蛋糕都真系好好味，里面有麻糬，而且成个芝士蛋糕从质感或者味道方面都做得好好。老板娘最后仲送多两杯嘢饮俾我哋，好有笑容，由系咁帮我哋影好多相留念，所以呢个真系好值得推介嘅餐厅，从来未心情滚动到要即刻写食评推介🥹🧡因为香港而家实在太多都系得个样，但系质素同服务好差嘅餐厅，依家真系近年嚟试过最好嘅餐厅🧡唯一争少少就系个环境好多人好嘈，座位同座位之间距离到好窄