程班長台灣美食 (已結業)

一直以来已经听过好多人介绍程班长呢一间台湾美食，但系地区并唔系我活跃嘅范围所以一直都未有机会去试。今次咁岩去开荔枝角，所以就一定要去试一试。呢间餐厅系喺工厂大厦入面嘅，所以佢嘅外观装修唔系好突出，只系有个只是牌话俾你听间铺头系边。入到去里面佢嘅装修都非常之朴素，好似台湾本地嘅小店咁样。佢嘅菜式琳琅满目，我哋拣咗好耐先拣到以下呢几样。。。仙草芋圆冰（$30）：佢嘅仙草芋圆冰真系好好食，仙草有淡淡的清甜，芋圆好烟韧，而且佢底嘅糖水味道啱啱好唔太淡亦唔太甜肉燥饭（＄28）我哋都叫咗佢必食嘅肉燥饭，佢既价钱同出面既台湾餐厅都系差不多，但系份量就多好多。而且一啲都唔干，捞埋啲汁真系超级好食玉米起司蛋卷饼（$36）：至于嘅蛋饼系我个人最推荐嘅食物，佢外边𠮶层皮非常之酥脆亦都唔厚，配埋入边热辣辣嘅玉米芝士配料，成件事系完美升华咗，亦系我食过最好食既蛋饼蚵仔煎（$36）：最后我哋叫多咗个蚵仔煎，佢既外皮都几脆口，而且个汁都好滋味，但蚵仔嘅份量唔算太多