鮮燒 • 酒屋

营业中

休息中

香港少有嘅川日fusion菜，從裝修到食物款式都可以體現到，餐廳主打串燒，可以自選串燒口味，日式、港式或者川式任君選擇~🔘特式皮蛋豆腐 開胃前菜，辣辣地嘅自家製醬汁，辣得來又有芝麻香~🔘刺身沙律羽衣甘藍為主嘅沙律，刺身切粒分別有三文魚、油甘魚同蝦，刺身份量都唔少~🔘免治雞肉棒🔘雞肝每次食串燒必點呢兩款，免治雞肉棒好香好惹味，必定要加埋月見汁一齊食~🔘大元貝大粒有鮮味，簡單蒜蓉燒已經好食~🔘蒜蓉茄子大膽揀咗川式，好香蒜蓉味少少辣，非常入味，好容易用筷子夾到出嚟~🔘鮮燒玉子明太子香滑玉子燒，每啖都食到明太子幾開心，稍嫌玉子燒唔夠厚身，調味冇日式玉子燒咁甜~🔘流心芝士年糕竟然配煉奶咁搞笑，食到鹹甜煙靭口感~🔘川日涼島冬撈起撈起，新年揀個撈烏冬食，配菜偏日式，辣辣地嘅川式醬汁幾加分~🔘可樂 🔘百香果梳打最後以甜品抹茶麻糬作結，性價比幾高，價錢合理而且味道唔錯～