潮濠城酒樓 (已結業)

行开荔枝角，听朋友讲尼度有间极老牌嘅潮州菜馆，超近地铁站，就哩试一试。原本预咗老铺应该又旧又残，点知哩到见到又几新净窝，部长话旧年餐厅先大装修，就遇到疫情喇😥～ 限聚令之下食客唔多，职员反而多咗时间同我地交流，态度好好～至于嘢食，本身系想试多几款嘅，但由于我地得四个人，个汤嘅份量都几多，所以最后加埋甜品先叫得个四五款𩠌～ 个冬瓜汤嘅味道浓淡得仪，汤料十足，份量都几多，四个人最后每人分到成三碗!然后系个卤水并盘系例牌要试，唔会太咸又有卤水香；苦瓜烙系出奇好食，因为怕热气部长提议用苦瓜煎，但我自己超怕苦，碟菜哩到果然如部长所讲一啲都唔苦，而且尼度嘅瓜烙仲加咗花生粒，系其他潮州菜馆未试过!最后系鳕鱼，因为有朋友怕腥所以无叫到蒸鱼，尼款原来都好好食, 份量唔多, 但鱼肉好嫩!