請坐 (已搬遷) 新店位置

同事同我咁啱屋企都冇饭食，择日不如撞日一齐嚟食好多人推介嘅台式美食。夜晚八点几嚟到，全铺满座，但门外冇人排队，等咗几分钟就有人走可以入座。店面keep得好干净，铺位虽小但座位唔算太迫。由于多人帮衬，呢度写明用餐时间45分钟，其实都好够了。蛋饼系镇店之宝一定要食，今次拣咗九层塔蛋饼。饼皮同蛋卷埋一齐感觉嫩滑，加埋九层塔嘅香味成件事就更有味道卤水拼盘，最有惊喜系豆腐，相当入味。蛋亦够幼滑，反而鸡翼显得有点失色了。红烧牛肉面，份量好足！面有咬口，汤底鲜甜微辣而不太油，牛肉够淋，不过略肥。满足嘅一餐，提一提呢度收加一。