岳川串揚

营业中

休息中

星期日同老公食日式串扬，香港比较少有，我揾到呢间岳川串扬，当日去食晚饭。首先叫左三款冷盘。日式辣酒煮东风螺螺肉几弹牙，味道辣辣地，好惹味。日式矶煮鲍鱼伴萝卜鲍鱼同萝卜一齐食都系第一次，萝卜够腍同埋好入味，鲍鱼都好弹牙。酒盗芝士即系将cream cheese切成细细粒，送酒一流。串扬叫左三款。纽西兰牛柳牛柳好腍，即使炸左都有牛味，靓牛。鹿儿岛黑豚肉五花黑豚肉唔会鞋唔韧，都好好食。秘制年糕食落烟烟韧韧，唔会黏牙。再叫左四款烧物。豚肉车厘茄车厘茄爆汁，正。烧白鳗几肥美，调味唔错。盐烧纽西兰顶级羊架无羊膻味，而且肉质软腍。烧日本蚝蚝好大只，鲜甜多汁。主食叫左两款。和风冷乌冬(冷)乌冬唔会一夹就断，用上日本乌冬。樱花虾汤荞麦面(热)天气开始冻，食返碗热既荞麦面，好舒服。最后仲有甜品: 蜜桃雪葩。蜜桃雪葩质感无冰粒，好幼细，口感似软滑既雪糕，好好食。当然唔少得叫支细清酒(300ml)黎饮啦，好易入口。