炭兎

营业中

休息中

今日黎到湾仔QRE Plaza嘅炭兎，餐厅由日本师傅主理，而且餐厅气氛超好，甘岩撞正有其他客人生日，餐厅安排所有在坐客人人手一杯酒，一齐为寿星举杯庆祝。-我地叫左半打铁盒烧广岛生蚝，另外仲加左热溶芝士，生蚝劲大只，差吾多有手掌大，而且每只都多汁肥美，就甘食已经好鲜味，加上芝士又系另一种风味。-炭烧名古屋交趾鸡嘅份量都吾少，鸡肉热辣辣，味道都出色，侧边仲会有少少辣酱，沾上食更惹味。-我地仲叫左鹅肝酱伴法国面包，满满嘅鹅肝酱涂上法包同梳打饼上面，见到就已经留晒口水，鹅肝酱嘅咸香配上法包嘅口感，简直冇得顶。-我地叫左一条烤鱼，鱼会串住放起炭炉侧边慢烤，睇住条鱼慢慢变熟，一边睇一边期待，味道方面稍微有d太咸，不过鱼肉口感嫩滑，整体不过不失。-最后我地仲点左几串串烧，分别有鸡、猪、牛，当啦中特别钟意牛舌串同豚五花包生蚝串。牛舌盐烧调味几吾错，而且烤得岩岩好。而豚五花包生蚝串亦都好好食，豚五花嘅脂肪感加上生蚝，口感好特别。-最后再黎个法式栗子蛋糕，栗子蓉绵滑，入面嘅蛋糕好松软，味道吾会太甜，而且甜而不腻，造型亦都好打卡able，吾错。