蘇媽.蘇媽馬來西亞美食店 (已結業)

听闻深水埗多左好多新野食，抱住扫街心态黎揾食。行过见到少有既马拉野食，仲要咁过瘾坐街边够晒风味。唔食乜好就问个收银姨姨，姨姨好好人问食唔食得辣，就推介左老鼠粉同福建虾面，为食就叫埋串烧。menu写得非常清楚有啲乜材料唔食得辣既食福建虾面（大），都真系几大碗，个汤椰味香浓，面系油面，钟意佢配料多，最正就系果匙辣酱🤤有啲虾米粒辣得黎香。老鼠粉即银针粉用马拉酱油虾米葱花静捞捞下，味道稳阵。饮品系柠檬薏米同罗汉果茶味道正常。串烧就无乜肉，但个腌料就几好食。佢啲沙嗲系好杰身有种鱼露香，唔似普通花生酱加辣椒沟出黎既。卖嘢食个姨姨自己烧完都自己食咗几串😂问我地好唔好食，佢自己都话串烧好食