蟹膳

营业中

休息中

食物质素、整体服务、环境都一流嘅餐厅。今次叫咗「季 Ki」呢个dinner set, total 10道菜。前菜冇咩特别，但胜在够开胃😎由刺食开始食起，雪场蟹好清好鲜味，配搭埋creamy嘅海胆同香气满满嘅鱼子酱，又系另一种味感享受。食完咗刺身，职员就准备蒸蟹🦀蒸蟹同时就上咗茶碗蒸，蛋入面加蟹肉一齐蒸，啖淡蛋都充满蟹香！食完茶碗蒸，啲蟹都蒸好。蒸嘅时间岩岩好，保留到蟹最鲜嫩嘅口感同肉汁。用蒸呢种煮法可以好明显咁食到两款蟹嘅味道同口感嘅分别。鳕场蟹脚就用咗烧嘅烹调方法，香气十足!!! 主要食鳕场蟹充满弹性嘅口感。日式料理点少得天妇罗😋炸浆唔厚，岩岩好包裹住蟹肉，亦都唔会太油。蟹羹可以话系足料，调味唔会咸cover咗啲蟹嘅鲜味。冻毛蟹，蟹生拆晒肉而且冇壳碎。蟹脚都开咗一边壳，一来好present得好睇，二来食落都好方便。整体都食到蟹嘅鲜甜😋😋甜品前就系蟹肉蒸饭，蟹肉好多啖啖饭都食到蟹肉。