拉麵凪 (已結業)

好耐未喺香港食过好高质嘅拉面，是日出开铜锣湾，用OpenRice搜寻一下附近嘅拉面餐厅，撇除晒所有大集团旗下品牌之后，选定左呢一间小店尝试一下。见佢评分都几高，不过位置就有啲隔涉，系渣甸坊女人街侧边，店面招牌完全唔起眼，入边亦都冇乜装修，不过一入门口，店员就非常亲切有礼貌，由打招呼到落单，都用日文，元气十足，感受到好有诚意，真系有心做。食物唔系好多选择，我哋拣咗黑骨同豚骨。黑骨即黑蒜同墨鱼，面质就一定系拣超硬啦，汤底拣咗超浓厚，店员强烈推荐加少少佢哋秘制辣酱，我哋都加咗。食物一到，试一啖汤头，非常浓厚浓郁，两个汤都好出色！豚骨好重骨胶原感！黑骨都好正！面属于比较幼身，有啲似一兰果种，我钟意！香港已经好少有咁高质嘅小店，非常值得支持！一定会再回访！