青藏牛肉麵 (已結業)

锦屏街有好多小店，一条街仔有齐cafe、日式餐厅、星马餐厅，仲有香港比较少见嘅新疆面食，午市有牛肉及羊肉选择，而汤底用牛骨熬制，如果唔想牛、羊，可以拣鸡排饭。青藏牛肉拉面（连小食及汽水）$48汤底好浓，个人来讲就觉得有少少太咸，拉面都弹牙，不过萝卜就唔够入味，牛肉就正常。青藏牛肉扁面除咗拉面仲可以拣扁面，扁面就比较粗身，都好弹牙。小食：烟鸭胸肉味重不过略嫌干身。小食：香酥腐皮卷都算系香脆，包住幼细馅料，都算okay。环境就系普通茶餐厅感觉，不过食嘢时，有一位朋友/员工入内，仲愈讲愈大声，嘈到食完要即走，呢个真系大大扣分。