溢溢掂 香港味道 (已結業)

要数香港地道美食, 一定少不了车仔面. 今天在中环做野, 午饭刚好在附近经过, 比佢个餐厅名吸引, 这里是典型车仔面食店格局, 厨房系门口果种, 看了一阵发觉地方整洁, 我最怕有些车仔面店一地滑沰沰又黑, 呢度绝对好 ok 呀. 溢溢掂位于中环心脏地带, 人流多, 再加上美食当前, 排队点𩠌的人更多. 排了十分钟左右可点𩠌. 我 order 了大碗什锦面, 同埋惹味小食拼盘. 呢度的汤底非常鲜味, 绝对唔觉味精; 而汤底我选了小辣, 辣度刚刚好亦一流, 真系食到口水长流, 又唔会辣到你食唔到. 碗面有好多配料, 例如牛丸, 墨鱼丸, 萝卜, 鱼皮饺, 牛腩, 猪软骨等. 我最喜欢是萝卜够林, 又可以吸收碗面的香味, 而牛丸又好有口感, 十分不错. 另外, 我觉得食车仔面始终油面最正宗美味, 皆因够爽口弹牙. 而又要提提个惹味小食拼盘, 我认为是必试, 入面有炸鱼肉烧卖, 海鲜豆腐, 同埋腐皮鱼卷.几样野都炸得软硬适中十分难得, 而且弹牙, 配埋辣酱食真系一流.最后, 食店的员工态度值得一赞, 十分好礼貌. 而且厨房内的员工自己都有讲有笑, 整出来的野食自然有 heart d.