道生麵館

营业中

休息中

本人好钟意食清汤腩，好钟意周围去试吓，但成个香港岛都揾唔到好正嘅牛腩店，最后终于揾到道生！佢真系可以同旺角传承媲美！不过真系要排好耐队，今日我11点10分已经到咗，前面已经有人排队，明明上午11:30先开门，点解可以咁早嘅呢？为咗食好嘢，冇办法！排咗半个钟，终于入到去食到，崩沙腩应该得好少碗，真系要好早去先有机会食到，入到去已经话冇晒！最后唯有食爽腩，不过一样惊喜！碗牛腩真系用新鲜牛肉，完全食得出！而且汤底比较淡，肯定冇加味精！所以见到好多人都话要加腩汁，但我就唔同意，嚟到就系想食原汁原味！睇吓碗牛腩真系靓到呢！所以话港岛区佢真系可以话系第一！去到九龙同新界就唔敢包！而且佢啲牛肉系啱啱好，唔会太腍，而且好有咬口，又唔会过韧！值得一提，佢嘅煎鸡扒都好好食！真系去到现场先煎，去到都可以试埋！