早安越南 (已結業)

好耐冇食过牛油鸡翼，所以今日放工决定去食越南野。近近地转个湾就到左呢间早安越南。等左五分钟，店员安排左我去到个有冷气既位置等位，加分👍🏻😆环境都几靓，虽然细细地，不过有位摆袋，冷气又够。今次叫左牛油鸡翼、炸拼盘、青咖哩猪颈肉、炒金边粉...😋牛油鸡翼好大只，好脆，蒜味正，两个字"必食"炸拼盘系有扎肉同虾饼，好脆，大家记住衬热食😄超级无敌大份既青咖哩猪颈肉同金边粉都系唔叫唔得，重点系要叫埋饭，会令个猪颈肉既味道升华，啲猪颈肉又厚又多，大食的我都食唔哂。金边粉都好大，男仔实够饱👍🏻最后点左杯滴漏咖啡，好似好得意咁，睇住佢慢慢滴，提提大家要叫冻呀，因为叫冻可以冻热都饮哂，唔甜又香，必试🤘🏻100分我会比90分，因为临走先见到人地有个生虾刺身同蒜蓉包，竟然miss左，下次一定要食埋佢。