影片
更多
2021-02-13
5528 浏览
香港嘅泰国菜餐厅好多，但要食好食嘅船河就唔容易。船河本身系廉价地道嘅泰国美食，喺水上市场工作嘅劳动阶层食多，喺艇上食所以特此名称。而家嘅船河做法好多，有平有贵，贵嘅甚至用和牛做配料，好似今次介绍嘅依间船河。依间位于湾仔蓝屋旁边嘅泰面，系原本想返悉尼但又怀念香港既老板，用左年半时间，睇左200几个铺店，最后拣左呢个系湾仔一级历史建筑蓝屋附近既铺位，而且湾仔系一个集合左富裕同地道、本地同外国人、新旧建筑既地方，客人有年轻又有上年纪既。开业初期已经吸引左好多人黎排队食， 2017年已经获得米芝莲推介， 系门口已经见到2018，2019年米芝莲既贴纸，而今年既2021米芝莲必比登都唔例外，系新入榜既唯一一间泰国菜。呢度既老板兼大厨系澳洲人，先后系悉尼、伦敦、曼谷、新加坡同香港既泰国菜馆做厨师，所以呢度主打既唔系fusion菜而系传统地道既泰国菜，为左重视泰国风味，坚持采购泰国当地食材同香料，主打船河同埋创意特色小食，主厨希望透过汤河同埋街头小食，等香港人可以试到地道嘅泰国风味。超过六成嘅食材系每日由泰国当地直送到店。-排队🧍🧍🧍当日系星期六晨就1350到餐厅，已经见到条龙有成廿人，长到转左个弯
香港嘅泰国菜餐厅好多，但要食好食嘅船河就唔容易。船河本身系廉价地道嘅泰国美食，喺水上市场工作嘅劳动阶层食多，喺艇上食所以特此名称。而家嘅船河做法好多，有平有贵，贵嘅甚至用和牛做配料，好似今次介绍嘅依间船河。依间位于湾仔蓝屋旁边嘅泰面，系原本想返悉尼但又怀念香港既老板，用左年半时间，睇左200几个铺店，最后拣左呢个系湾仔一级历史建筑蓝屋附近既铺位，而且湾仔系一个集合左富裕同地道、本地同外国人、新旧建筑既地方，客人有年轻又有上年纪既。
开业初期已经吸引左好多人黎排队食， 2017年已经获得米芝莲推介， 系门口已经见到2018，2019年米芝莲既贴纸，而今年既2021米芝莲必比登都唔例外，系新入榜既唯一一间泰国菜。呢度既老板兼大厨系澳洲人，先后系悉尼、伦敦、曼谷、新加坡同香港既泰国菜馆做厨师，所以呢度主打既唔系fusion菜而系传统地道既泰国菜，为左重视泰国风味，坚持采购泰国当地食材同香料，主打船河同埋创意特色小食，主厨希望透过汤河同埋街头小食，等香港人可以试到地道嘅泰国风味。超过六成嘅食材系每日由泰国当地直送到店。
-
排队🧍🧍🧍
当日系星期六晨就1350到餐厅，已经见到条龙有成廿人，长到转左个弯，排左差唔多9个字终于入到。基本上假日去食一定要排队，如果唔想排就要佢开铺姐系12点到去做第一批客人。店员会问定你order D咩，就会系纸圈定比厨房，同时会比返张纸你对下order左D咩。唔接受订位，所以如果要试就要排队，唔想排咁耐就要开门就到。
-
环境🪑
店舖唔算大不过楼底高，不过枱贴枱坐落有啲迫身。以复古风格装饰，有多旧家具、古老小贩档嘅陈设、泰式铁牌等，好似小店古色古香咁，非常充满泰国嘅怀旧风情。
环境偏暗，如果影相会比较唔够光，尤其系入面既位置同BAR枱，有几张枱会系近室外D就会够光D。
唔计吧枱大概有26-30个位，吧枱大概有4个位。
当日我坐厨房嘅吧枱，因为系开放式厨房，可以一路望住厨师煮嘢食，而家因为疫情，会每两个位隔一块板。上菜速度都快，大概等左5分钟就上菜。
-
1️⃣ 招牌泰式和牛浓汤河💰138（👅: 9.5/10）
招牌泰式和牛浓汤河
$138
119 浏览
1 赞好
0 留言
虽然价钱偏贵但系配料多而且质素对得住价钱，个汤好饮到可以饮晒成碗所以食完会好饱肚。
呢碗和牛汤河除左有几块和牛之外，仲有牛腩、牛丸、泰式猪皮、通菜同埋好多传统方法会用既泰式香料好似芫荽、玉桂、八角、蒜头、南姜、辣椒、香茅同罗勒等。
和牛同牛腩食落好淋身好有牛味，和牛特别系用澳洲和牛，所以肉味特别浓，又唔会过肥，灼到啱啱好熟，食落几嫩滑，牛腩有两旧，好软腍好入味，比起和牛我觉得仲好食。牛丸好弹牙好爽，而且丸入边有牛筋粒，咬落口感丰富。泰式猪皮炸到脆卜卜，不过一浸左汤就无左脆既口味。
船面质感偏幼，够爽够弹牙，非常吸汤，每条都索满晒汤汁嘅精华。
汤底系每朝早就开始制作，经过六个钟头嘅熬制，非常重牛味，有牛肉嘅鲜甜味，带少少椰子味，因为汤底加咗猪血、腐乳、猪骨等好多种食材熬制，所以色泽非常深同浓郁，呈黑啡色，饮落甜酸辣咸嘅味道兼备，层次感丰富。
成碗船河基本上每一部份都做得好好，因为从来未饮过咁好饮嘅汤，如果要挑剔就系河粉冇得转其他面。
-
2️⃣ 泰式虎虾金边粉 💰138（👅: 8.5/10）
泰式虎虾金边粉
$138
150 浏览
1 赞好
0 留言
闻落香气逼人，食落似系用茄汁炒既金边粉，金边粉充分吸收左酱汁，酸甜味都适中，好开胃，而且系香辣既金边粉不过辣味唔重，因为主厨话辣只系其中味道一环而唔系全部，如果真系唔食得辣可以同店员提出。
面条唔会话炒到痴埋一齐或者边一条调味唔均匀，不油不腻，加上炒到够镬气，够镬气系泰国街头小食既重点，呢碟食落就好似系泰国食紧既pai thai咁。
虎虾好大只仲要有3只，用料唔马虎，食落够新鲜，唔会有雪味。
配料有豆干、芽菜、花生、青木瓜丝、蛋丝、虾米、泰式香草、葱、青柠，将佢地捞匀食到pai thai应有既味道，每个配料都处理得宜。
-
3️⃣ 炸猪颈肉配烤番茄酱 💰78（👅: 8.5/10）
炸猪颈肉配烤番茄酱
$78
85 浏览
1 赞好
0 留言
炸猪颈肉份量唔小，好抵食。
食落非常有曼谷街头食到既味道，猪颈肉味道同传统既唔太一样，但会一旧接一旧咁食，炸得好酥脆但又唔会柴，肉汁保留到唔会过干，味道唔算好重所以唔咸，配上蒜酥同自家制蕃茄甜酸酱绝对系升华。
-
☕ 泰式冻奶茶 💰48（👅: 7.5/10）
泰式冻奶茶
$48
87 浏览
1 赞好
0 留言
今次依间泰式奶茶就冇得叫热嘅，只有冻。
呢杯都系用手标红茶冲出黎，饮落系泰式奶茶既甜味，呢种甜我仲可以接受到，都饮到泰式奶茶嘅茶味同奶味，但茶香小小唔太够，不过个味道就相对熟悉，唔会话太大惊喜。
-
☕ 泰式街头椰子雪糕 💰78（👅: 9/10）
泰式街头椰子雪糕
$78
108 浏览
1 赞好
0 留言
雪糕用椰壳上，雪糕嘅椰子味几重，但又唔会系好廉价既味道，食落唔会过甜。
除咗椰子雪糕仲会有一块块嘅椰子肉，口感好爽加落雪糕食增加口感，同埋加咗甜品好少见嘅花生同粟米粒，但个配搭出奇地夹。份量都唔使系可以食饱人嘅甜品。
-
🌟无疑系食过最好食嘅泰国菜，最出色系牛河，之后系非常有泰国口味嘅椰子雪糕，炒金边粉同埋炸猪颈肉都出色，但价钱唔算平，而且要派至少半个钟先食到，但佢绝对对得住米芝莲呢个名。要数2021年要试嘅餐厅，佢一定喺其中一间。
-
👅味道: 9.5/10
🍴环境: 7.5/10
💰消费: $180 (服务费: 10%)
张贴
