影片
更多
2019-01-27
2601 浏览
最初系朋友介绍先知道佢既存在；西餐但系隐蔽系熟食中心，听到当下就觉得好有趣想去见识下。搭上天梯之后（条扶手电梯都几长下🤣），进入眼帘既就系一个常见既熟食中心，吵杂，绝对唔会系你系西餐厅会有既感觉。行入少少突然画风剧变；十几张台舖晒红白格仔既台布，一个站姿端正的绿围裙姐姐上前问好，睇黎冇去错地方。Menu系张简单既A4纸，一面系餐厅既地址同logo，一面则是前菜主菜同甜品既menu（因为我自己带酒去所以冇攞酒水menu睇）。每个菜色都系独立价钱，冇餐set提供。我地两个人嗌咗个鹅肝salad、risotto、煎三文鱼同蛋白蛋糕。除咗蛋白蛋糕略嫌逊色，其余三个菜都十分出色，无论摆盘又或是味道都十分讲究，特别想提下个鹅肝前菜，用大大够新鲜鹅肝煎，香甜多汁，绝对唔系一般鹅肝酱可以媲美！🤩而呢间大排档既服务质素都系超出预期的好😳既然系熟食中心做，我多少都预计系大排档既感觉，结果完全超出想像！除咗有fine dine既serving dish流程，呀姐姐同呀大哥serve酒同介绍都有番咁上下，对pairing都唔系话简简单单白肉白酒咁笼统👍🏼btw我带咗支比较甜既白酒去（Alsace既riesli
搭上天梯之后（条扶手电梯都几长下🤣），进入眼帘既就系一个常见既熟食中心，吵杂，绝对唔会系你系西餐厅会有既感觉。行入少少突然画风剧变；十几张台舖晒红白格仔既台布，一个站姿端正的绿围裙姐姐上前问好，睇黎冇去错地方。
Menu系张简单既A4纸，一面系餐厅既地址同logo，一面则是前菜主菜同甜品既menu（因为我自己带酒去所以冇攞酒水menu睇）。每个菜色都系独立价钱，冇餐set提供。我地两个人嗌咗个鹅肝salad、risotto、煎三文鱼同蛋白蛋糕。除咗蛋白蛋糕略嫌逊色，其余三个菜都十分出色，无论摆盘又或是味道都十分讲究，特别想提下个鹅肝前菜，用大大够新鲜鹅肝煎，香甜多汁，绝对唔系一般鹅肝酱可以媲美！🤩
而呢间大排档既服务质素都系超出预期的好😳既然系熟食中心做，我多少都预计系大排档既感觉，结果完全超出想像！除咗有fine dine既serving dish流程，呀姐姐同呀大哥serve酒同介绍都有番咁上下，对pairing都唔系话简简单单白肉白酒咁笼统👍🏼
btw我带咗支比较甜既白酒去（Alsace既riesling）谂住唔点饮酒既朋友都可以饮啲，结果发现同鹅肝真系夹到冇朋友😍
张贴