半路咖啡

营业中

休息中

虽然好近‪上环店‬但一直未有机会到访，早几日系‪旺角揾同路人咖啡店‬先发现佢地已经系九龙落脚，隐身喺唐楼之中。一到门口，写住「坚强贸易行」嘅招牌就映入眼帘，小店以怀旧做主调，避免显得同店外嘅风景格格不入，唔少摆设都系本港历史嘅印证。原本只净返室外位置，但烈日当空我地就决定继续等冷气位，过左阵店员就搬张櫈当枱，喺门口加个位比我地，好友善。☕️Dirty一上枱嘅状态系下图咁，摆左5分钟就有上图好靓嘅渐层，佢地用嘅豆无咩果酸，咖啡香唔系好浓重果种，我就几钟意层crema，同埋唔知系咪转左oat milk嘅关系，饮落好顺喉。 ☕️Silver Tips White朋友唔饮得咖啡就叫左银毫白茶，用佢地嘅标志瓷杯呈上，闻落好清香，味道淡雅醇和，唔错。