瑞記咖啡

营业中

休息中

到上环办点事，约1点45分经过上环市政大厦， 想起呢类地方应该有唔少卧虎藏龙嘅食肆， 去openrice search第一位就系瑞记， 一于试下佢地系最入corner位 ，就到两点， 有一张大枱刚走， 自己埋位， 但系点解唔见有伙记嘅 ？喺个窗口度见到老板娘喺度煮面 (因为后来听到食客叫佢做老板娘)， 我就趁佢煮完面出嚟畀人𠮶阵时落柯打， 跟住佢继续返入去 整嘢食 ，等等下见一个男人拎住一大袋牛肉返入嚟，我谂系老闾呱两人合力继续喺厨房煮食， 冇几耐， 我嘅鲜牛面到啦 ，牛肉呈现粉红色 ，时间掌握都刚刚好， 唔似有松肉粉腌得好耐𠮶只， 够淋又唔靭。 出前一丁都煮得啱啱好， 唔会过淋 ，好香麻油味我见每张枱都有人饮樽仔奶茶， 但系我饮咗奶茶夜晚瞓唔著， 都系唔叫啦。人人食完系自己走入厨房俾钱， 佢哋又唔会出嚟睇下啱唔啱数㖞， 我谂大家都系讲个信字啦 我都照做， 我只系帮衬咗24蚊， 老板娘都会讲声多谢 ，一啲都唔会嫌你帮衬得少。喺呢度体会到人与人之间嘅互信同人情味铺头细细， 要维持相宜嘅价格， 唯有自己做晒唔请伙记， 大家将就下啦。