老荔冰室

营业中

休息中

呢排好多餐厅都好兴走怀旧风，啱晒大家打卡💛近排我就去食咗一间唔错嘅小店，位于荔枝角嘅✨老荔冰室✨行怀旧茶餐厅风格，外墙模仿以前嘅戏棚，净系餐厅外围已经好吸引人去睇，入去一坐低仲见到有对龙凤喺头顶好有气势😆👍🏻即刻令我谂起细个成日同屋企人去传统酒楼饮茶嘅回忆💛呢度嘅嘢食同佢嘅装修一样好有心思☺️ ✨沙嗲牛肉煎蛋面✨沙嗲牛份量多，味道偏甜，有少少麻辣味👍🏻就算唔食得辣都可以见，加埋两只煎蛋就真系经典嘅常餐配搭啦😀✨滑蛋叉烧饭✨呢个真系港式茶餐厅嘅经典菜式😍滑蛋煎得刚刚好唔会好老，叉烧肥瘦适中，配埋特制嘅豉油已经够晒惹味☺️✨沙嗲牛肉炒蛋热香饼汉堡✨热香饼汉堡而家成日都有得食，但加埋沙嗲牛肉炒蛋，你哋又试过未呢？之前以为又甜又咸会好难入口，但点知口味出奇地夹👍🏻牛肉份量仲多到爆晒出嚟😆 十分抵食！✨金沙朱古力流心西多士✨呢个甜品超级邪恶😂😂😂首先份量好巨型，另外佢朱古力味真系好浓厚，朱古力碎碎铺满多士，仲要流心，真系唔舍得食晒佢😚✨红豆奶茶、杂果宾治✨特饮正常发挥，值得一赞嘅系红豆份量绝对冇手软✅最后食唔晒啲红豆😝舖头地点亦都方便，下次都会再嚟帮衬💛