影片
更多
2023-01-25
82 浏览
同朋友庆生当然要食得精致d，精挑细选下拣咗呢间位于尖沙咀嘅omakase，其中一个原因就系晚市时段提供嘅两种价位omakase，都做紧限时优惠价。「花」 $1280 (原价$1680)呢款价位较平嘅omakase一共有16品料理，包括咗前菜、刺身、季节料理、寿司、吸物同甜品，已经非常之丰富。前菜嘅蟹肉寒天，铺上北海道马粪海胆、蟹子同金箔，见到卖相已经流哂口水。个寒天清爽得黎食到超鲜甜蟹肉味，加上creamy浓郁嘅海胆，为呢一餐打开完美序幕。跟住就上刺身，鳕鱼白子口感绵密细致，配以酸汁同埋辣萝卜蓉，味道层次丰富。竹签鱼轻轻火炙过，肉质软嫩，充满油香，面头搽咗少少面豉酱，食落甜甜哋，非常特别。再黎系𩽾𩾌鱼肝最中饼，脆身嘅最中饼，夹住细滑绵密嘅𩽾𩾌鱼肝、幼滑细腻嘅海胆、蟹子、金箔一齐食，入口鱼肝同海胆甘香醇厚嘅味道交织埋一齐，齿颊留香。接住落黎有茶碗蒸清一清个味蕾，茶碗蒸口感顺滑，入面有蟹肉、香菇、鸣门卷等配料。再黎就系寿司，师傅用上时令新鲜嘅食材即席炮制手握寿司，款款都系咁鲜甜味美，今日就食到以下几款：-左口鱼寿司：鱼肉拥有爽嫩口感，味道鲜甜-毛蟹寿司：原条毛蟹肉，啖啖肉之余十分之鲜味-深
「花」 $1280 (原价$1680)
呢款价位较平嘅omakase一共有16品料理，包括咗前菜、刺身、季节料理、寿司、吸物同甜品，已经非常之丰富。
前菜嘅蟹肉寒天，铺上北海道马粪海胆、蟹子同金箔，见到卖相已经流哂口水。个寒天清爽得黎食到超鲜甜蟹肉味，加上creamy浓郁嘅海胆，为呢一餐打开完美序幕。
跟住就上刺身，鳕鱼白子口感绵密细致，配以酸汁同埋辣萝卜蓉，味道层次丰富。竹签鱼轻轻火炙过，肉质软嫩，充满油香，面头搽咗少少面豉酱，食落甜甜哋，非常特别。
再黎系𩽾𩾌鱼肝最中饼，脆身嘅最中饼，夹住细滑绵密嘅𩽾𩾌鱼肝、幼滑细腻嘅海胆、蟹子、金箔一齐食，入口鱼肝同海胆甘香醇厚嘅味道交织埋一齐，齿颊留香。
接住落黎有茶碗蒸清一清个味蕾，茶碗蒸口感顺滑，入面有蟹肉、香菇、鸣门卷等配料。
再黎就系寿司，师傅用上时令新鲜嘅食材即席炮制手握寿司，款款都系咁鲜甜味美，今日就食到以下几款：
-左口鱼寿司：鱼肉拥有爽嫩口感，味道鲜甜
-毛蟹寿司：原条毛蟹肉，啖啖肉之余十分之鲜味
-深海池鱼寿司：肉质偏爽，充满油香
-赤贝寿司：口感好爽弹，而且好鲜甜
-北寄贝寿司：轻轻火炙过，带少少焦香
-沙甸鱼寿司：加入咗葱花去辟走沙甸鱼原有嘅腥味，亦做到提鲜效果
-拖罗寿司：迷人嘅粉红色，油脂分布平均，入口软嫩，油香四溢
-海鳗寿司：海鳗烧得好香身，个酱汁都唔错
-海胆寿司：大大件海胆入口即融，细滑creamy
-吞拿鱼小卷：赤身鱼味香浓，而且有3件够晒饱肚
「Shen」 $1680 (原价$1980)
而另一款嘅omakase就有成19品料理咁多，而且食材更加高级。食omakase其中一个乐趣就系可以睇住师傅即席用心制作料理，用唔同嘅食材互相配搭做出各式各样嘅味道同口感变化。师傅亦都会有为客人介绍每一道料理嘅食材同精髓。除咗同「花」一样嘅前菜、刺身、季节料理、寿司、吸物同甜品，仲换咗/多咗下面几款：
沙甸鱼卷
以沙甸鱼刺身卷住腌萝卜、紫苏叶等材料，食落口感味道层次丰富。
䲠鱼刺身
冬天正正系食䲠鱼嘅最佳季节，师傅将鱼身轻轻火炙，再加上萝卜蓉，肉质爽实有质感，鱼味重有浓厚肉香。
天妇罗
天妇罗有虾、南瓜、茄子、无花果同青椒，炸粉够薄亦够脆身，可以点少少岩盐或者天妇罗汁食，简简单单已经好好食。
金目鲷寿司
火炙金目鲷刺身面头撒咗d乌鱼子粉，食落带一份甘香，肉质幼嫩，鱼味香浓。
三文鱼子寿司
大大粒晶莹剔透嘅三文鱼子喺口腔入面爆发，鲜味十足。
葱吞拿鱼腩手卷
吞拿鱼腩油香十足，加咗葱去提鲜，幼滑绵密嘅口感够哂滋味。
两个餐食饱店员再送上一碗面豉汤，入面加入咗大量蛳蚶去煮，饮落系浓郁嘅海鲜味，好鲜甜。
食完寿司仲有玉子烧食，呢度嘅玉子烧非常特别，食落去好似布甸咁嘅口感，蛋香味重。
最后当然唔少得甜品，有静冈士多啤梨同哈密瓜，当时得令，够哂清甜。
晚市omakase仲有二人同行，一人半价嘅优惠，可以话系高质得黎性价比又高。
。
。
鮨盛 (尖沙咀)
尖沙咀广东道122-126号中港中心11楼
。
。
张贴
