殿·大喜屋

营业中

休息中

我期待咗好耐，終於輪到我去帝京酒店嘅殿大喜屋食啦！聽聞呢間放題嘅嘢食係最豐富，最好味，同最有質素嘅🧐食完之後，我真係覺得果然係名不虛傳啊～點解咁講呢？因為餐廳連魚子醬都有提供，仲要係任食❤️平時少少🤏魚子醬都勁貴，喺度真係可以食返夠本！除咗魚子醬之外，餐廳嘅海膽係喺日本運過嚟嘅，食落真係同日本嘅質素無異！我自己就最欣賞呢度嘅刺身啦！佢嘅三文魚、帶子等真係超級新鮮肥美，有時去日本食都未必會有咁嘅質素！除此之外，呢度仲有鮑魚、花膠、燕窩燉蛋，真係極盡奢侈💰仲有仲有，平時去食自助餐，冇得飲酒硬係差啲，但呢度嘅清酒、梅酒、紅酒同啤酒🍻等都係任飲㗎！三百幾蚊呢個價錢真係好抵😍😍（如果無限時你話幾好呢🤣)不得不提嘅係呢度嘅生果🍊😂因為out of my expectations ，啲質素都好好喎！當日我食嘅所有生果，全部都好甜同好新鮮，唔怕放咗好耐會肚痛！（其實我每次食大喜屋，都覺得啲食物好乾淨好新鮮！呢個原因真係令我超放心，所以我會一去再去！）而家我又諗緊幾時要再嚟食過喇😎