殿·大喜屋

营业中

休息中

我期待咗好耐，终于轮到我去帝京酒店嘅殿大喜屋食啦！听闻呢间放题嘅嘢食系最丰富，最好味，同最有质素嘅🧐食完之后，我真系觉得果然系名不虚传啊～点解咁讲呢？因为餐厅连鱼子酱都有提供，仲要系任食❤️平时少少🤏鱼子酱都劲贵，喺度真系可以食返够本！除咗鱼子酱之外，餐厅嘅海胆系喺日本运过嚟嘅，食落真系同日本嘅质素无异！我自己就最欣赏呢度嘅刺身啦！佢嘅三文鱼、带子等真系超级新鲜肥美，有时去日本食都未必会有咁嘅质素！除此之外，呢度仲有鲍鱼、花胶、燕窝炖蛋，真系极尽奢侈💰仲有仲有，平时去食自助餐，冇得饮酒硬系差啲，但呢度嘅清酒、梅酒、红酒同啤酒🍻等都系任饮㗎！三百几蚊呢个价钱真系好抵😍😍（如果无限时你话几好呢🤣)不得不提嘅系呢度嘅生果🍊😂因为out of my expectations ，啲质素都好好㖞！当日我食嘅所有生果，全部都好甜同好新鲜，唔怕放咗好耐会肚痛！（其实我每次食大喜屋，都觉得啲食物好干净好新鲜！呢个原因真系令我超放心，所以我会一去再去！）而家我又谂紧几时要再嚟食过喇😎