影片
更多
2023-03-07
37 浏览
油塘面包店最多，但有质素嘅餐厅就冇乜，不过讲到我成家最常帮衬嘅餐厅就系「栢档极品海南鸡饭」。佢位于大本营地下连接地铁站𠮶层，而且其实系主打外卖。我之前最钟意用外卖App落单买一只鸡返屋企加𩠌，外卖自取有八折优惠，平过喺𠮶度就咁买。不过呢日阿妈直头乜都冇煮，所以就试吓栢档嘅二人套餐。二人套餐($188)，套餐内容丰富，定价相宜。佢份量几多，我认为三个人都够食。极品海南鸡(半只)，呢度啲鸡南鸡好出色，一个字形容就系「滑」，鸡皮滑，鸡肉更滑。鸡皮去毛去到干净，虽然无啫喱层，但亦无过腻。鸡肉无雪藏味，肉身白𠽌𠽌，除咗鸡翼，全部去骨，食得方便。随海南鸡奉上嘅三色酱料亦唔错，口味正宗。如果钟意酱料，可以叫店员比多几个。猪颈肉整齐排列，脂肪含量唔高，食落油份适中，但边位就未算烧至太脆，不过肉质够软腍搭救。麻辣凤爪系套餐嘅特色小食，麻辣惹味，微微辣好开胃。凤爪无腌到淋晒，反而保持弹性，几有咬口。鸡油香饭色香味俱全，饭呈浅黄色，饭粒软硬均匀，粒粒分明，渗出啖啖鸡油香。油饭装到满满的，比起酒楼白饭还要大碗，男仔食都够饱。油菜，完整嘅一餐唔少得菜，生菜份量都几多。个个客都有嗌，后尾直头卖晒添。细肉骨茶(+$
油塘面包店最多，但有质素嘅餐厅就冇乜，不过讲到我成家最常帮衬嘅餐厅就系「栢档极品海南鸡饭」。佢位于大本营地下连接地铁站𠮶层，而且其实系主打外卖。
我之前最钟意用外卖App落单买一只鸡返屋企加𩠌，外卖自取有八折优惠，平过喺𠮶度就咁买。不过呢日阿妈直头乜都冇煮，所以就试吓栢档嘅二人套餐。
二人套餐($188)，套餐内容丰富，定价相宜。佢份量几多，我认为三个人都够食。
极品海南鸡(半只)，呢度啲鸡南鸡好出色，一个字形容就系「滑」，鸡皮滑，鸡肉更滑。鸡皮去毛去到干净，虽然无啫喱层，但亦无过腻。鸡肉无雪藏味，肉身白𠽌𠽌，除咗鸡翼，全部去骨，食得方便。随海南鸡奉上嘅三色酱料亦唔错，口味正宗。如果钟意酱料，可以叫店员比多几个。
猪颈肉整齐排列，脂肪含量唔高，食落油份适中，但边位就未算烧至太脆，不过肉质够软腍搭救。
麻辣凤爪系套餐嘅特色小食，麻辣惹味，微微辣好开胃。凤爪无腌到淋晒，反而保持弹性，几有咬口。
鸡油香饭色香味俱全，饭呈浅黄色，饭粒软硬均匀，粒粒分明，渗出啖啖鸡油香。油饭装到满满的，比起酒楼白饭还要大碗，男仔食都够饱。
油菜，完整嘅一餐唔少得菜，生菜份量都几多。个个客都有嗌，后尾直头卖晒添。
细肉骨茶(+$10)，肉骨茶真材实料，药材味偏重，有少少胡椒香，啲料就有豆卜同一字骨。
皇牌无味精靓汤系南瓜萝卜汤，南瓜打到蓉晒，甜香浓郁自然，仲有一嚿仔粟米。
最搞笑系个餐仲有两粒迷你雪米糍，士多啤梨同抹茶红豆味，诚意十足。
总括嚟讲，栢档系香港数一数二好食嘅海南鸡🐔，而且水准稳定，每次都无令人失望。最后，油塘店嘅全部店员服务态度都好好，有礼貌，笑面迎人，抵赞。
张贴
