茹絲葵牛排餐廳

Ruth Chris 系美国著名嘅连锁扒房，喺香港有两间分店，包括喺金钟同埋尖沙咀。𠮶日我哋为咗庆祝周月纪念去咗金钟嘅分店餐厅庆祝。餐厅内部环境灯光阴暗，以古典欧洲风格装饰，墙上边亦都挂上油画，非常有格调。餐厅安排咗我哋坐卡位，座位非常舒适。职员好有心机咁同我哋讲解左餐牌，亦都推介左校受欢迎嘅菜式俾我哋。我哋最后选择咗食蟹饼同埋Porterhouse steak。果然冇选择错，餐厅选用嘅都系顶级嘅牛肉，一食就食得出。crab cake都好好食，蟹肉超级鲜甜，再加埋佢哋自家制嘅酱汁，淡淡都好滋味。至于甜品，我哋就选择苹果批。苹果批果香非常浓郁，批底松脆，再配埋冰冻嘅云呢拿雪糕，为晚餐带嚟圆满嘅句号。