廚十三老壇酸菜魚 (太子集團中心) (已結業)

厨十三已经去过十次以上，因为佢嘅酸菜鱼系最接近太二酸菜鱼嘅口味。自从几年前开始封关冇得北上，作为太二fans冇得食酸菜鱼当然非常吊瘾，幸好揾到间「厨十三」可以止住瘾先，因为佢嘅味道有8-9成相似。听闻厨十三系太二嘅班底所成立，所以无论佢哋嘅装修、以至佢哋个酸菜鱼，都系好似太二酸菜鱼的。厨十三有几间分店，每次都会去尖沙咀位于太子集团中心嘅分店。除咗贪佢有海景之外，最重要系佢好少人🤣 每次去都只有1-2成人客，就算2个人去都可以坐到窗边卡座位，再加上少人，食得好chill好舒服😌依家做紧酸菜鱼优惠，原本小份（2人份量）要$338，依家只需$268，即系打左个八折，仲要星期一至日全日都适用，真系好抵，几时想食都即刻可以过黎了！ 小份量其实都几多，基本上两个人乜嘢都唔使叫净系食啲个酸菜鱼已经够晒饱。除左酸菜同鱼，仲有配菜包括莲藕片、芽菜，而我哋额外再加左午餐肉同豆腐。先讲啲酸菜，虽然不及「太二」嘅酸菜，但佢嘅酸菜都系声称用老坛腌制、地窖发酵。食起上黎果种酸味系有层次的，再配搭泡椒、花椒、蒜头、姜一同爆香，个汤底系你走偏全香港揾唔倒第二间一样咁好味的🤤，酸辣嘅比例非常配合，恰到好处，基本上有九成