影片
更多
2015-03-11
672 浏览
BB ramen @ 天后大坑记得从前，豚王剩系得中环一间舖既时候日卖200碗，仲系叫”凪nagi” 豚王，朝早10点排左个半钟食到真正既日本水准拉面系几感动，真系好好食，亦带起左香港拉面热潮。因为一单官司，豚王己经再无“凪＂字，其实已经系一个唔正宗既豚王。到而家豚王连锁香港化后，师傅由日本人变成香港人，质素每况愈下，你入豚王仲会听到师傅用日文大嗌いらっしゃいませ吗，只系听到极hea既港式日文。奈何就算质素参差，香港豚王长龙依旧，而凪bb ramen，仲系唔出名，真系好可惜。以前foodki食中环豚王连锁豚王师傅基本功不足，拉面已经无用心去煮，汤底由以前既层次感丰富猪骨汤底，变成而定既味精咸猪骨汤。，原谅foodki，今日介绍既其实唔系豚王，而系foodki真系有感而发，睇住豚王出名，亦都睇住豚王坏，觉得非常可惜。真系唔明，点解拉面香港化就无变成垃圾，可能日本人既始终如一，坚持既态度先最适合煮拉面。今日介绍既BB ramen 就系以前既中环店既生田智志师傅主理，即系真正既 “凪” 拉面，系日本，生田师傅拎过唔少奖，如2013《TRY东京拉面排行榜》总冠军。可以讲话系一间名店。BB ra
记得从前，豚王剩系得中环一间舖既时候日卖200碗，仲系叫”凪nagi” 豚王，朝早10点排左个半钟食到真正既日本水准拉面系几感动，真系好好食，亦带起左香港拉面热潮。因为一单官司，豚王己经再无“凪＂字，其实已经系一个唔正宗既豚王。到而家豚王连锁香港化后，师傅由日本人变成香港人，质素每况愈下，你入豚王仲会听到师傅用日文大嗌いらっしゃいませ吗，只系听到极hea既港式日文。奈何就算质素参差，香港豚王长龙依旧，而凪bb ramen，仲系唔出名，真系好可惜。
以前foodki食中环豚王连锁豚王师傅基本功不足，拉面已经无用心去煮，汤底由以前既层次感丰富猪骨汤底，变成而定既味精咸猪骨汤。，原谅foodki，今日介绍既其实唔系豚王，而系foodki真系有感而发，睇住豚王出名，亦都睇住豚王坏，觉得非常可惜。真系唔明，点解拉面香港化就无变成垃圾，可能日本人既始终如一，坚持既态度先最适合煮拉面。
今日介绍既BB ramen 就系以前既中环店既生田智志师傅主理，即系真正既 “凪” 拉面，系日本，生田师傅拎过唔少奖，如2013《TRY东京拉面排行榜》总冠军。可以讲话系一间名店。
BB ramen地点唔方便，如果由天后地铁站出，大约行10分钟，穿过横街窄巷，终于去到门口。门口有大大红色灯笼写住“凪豚骨”，好有日本风味。当时大约1:30分，门前有几个排紧队，有几张櫈仔可以比客人坐。楼面服务真系好好，好有礼貌，面带笑容。等左大约5分钟，门面哥哥门带笑容第一句就讲＂真系唔好意思要你等咁耐＂，真系夸张啲讲句，好温暖啊咁既服务态度边到揾啊！入到店入面，听到日文大嗌，真系有番中环豚王既味道。店内几细，18个位。入去见到以前中环豚王店内既肥仔师傅，令我对BB ramen更加有信心。
Bb ramen 真系同豚王一样，分＂豚骨＂，＂赤骨＂，＂绿骨＂，＂黑骨＂，即系豚王既＂豚王＂＂赤王＂＂翠王＂＂黑王＂。Foodki最钟意既始终系原味，亦都最能够试到店内水准。
都系好似豚王咁，基本上可以话系一样，可以自己决定油浓厚度，汤浓度，面种类等
豚骨
$78
44 浏览
0 赞好
0 留言
真系好好食，系以前豚王既味道，当时第一次食真正既日本拉面，惊为天人。但而家拉面越开越多，foodki越食越多，foodki已经无左初尝感动既感觉，但换黎既系温暖。今次食番以前既豚王味，foodki真系好兴奋！！。
汤底 - 浓厚，汤底上有泛起薄薄既油脂，一入口猪骨味bombom声咁黎，浓厚香醇得黎唔会好咸，而系真真正正地食到老火豚味，就知道bb 唔知煲左不下10个钟。饮起黎真系好好饮，赞。
叉烧
53 浏览
0 赞好
0 留言
面质 - foodki 选择超硬面，系博多系拉面常用既幼面。但黎到既时候，个面淋左少少，但依然富咬口同嚼劲，幼身弹牙。挂汤能力足够，赞。满意。
配料 - 葱好新鲜，配上豚骨汤底，带黎清新既味道，best配搭。木耳同样新鲜，食起上黎系爽既，挂起豚骨汤底，，令口感更丰富。
溏心蛋
$10
45 浏览
0 赞好
0 留言
真系忍唔住饮晒成碗汤，好满足好满足好好食，强烈推介。
总结，香港最好味既豚骨拉面真系只此一家，比起而家既豚王实在好太多，高水准日本拉面。我一定会再黎食。
题外话/补充资料：
店员问我意见既时候，我话碗面有少少淋，之后佢竟然话下次可以即时成碗换，咁既服务态度边到揾。
(以上食记乃用户个人意见 , 并不代表OpenRice之观点。)
张贴
