影片
更多
2016-06-01
4577 浏览
以前每次返完工经过都闻到糯米饭香好吸引，次次都忍唔住坐低整番碗，冬天食完一碗仲要encore! 转左工后已经年几无黎，今次到湾仔点可以错过我的至爱！虽然系街头档但好有地道风味，可能我份人怀旧，始终觉得喺到食好过去大餐厅凉住冷气食水准一般嘅西餐.....知道强记攞左米芝连小食奖已有心理准备要等，一如既往糯米饭排晒长龙，不过好彩伙记手势快所以等左三四分钟已经有得食！见有人评论糯米饭太细碗价钱于街头小食界算偏贵，但我就觉得强记糯米饭水准的确值三十四蚊！虽然系细细碗但其实食极都仲未见底，况且有见过附近桥底都有间腊味舖卖糯米饭$31，系大大碗但同强记真系差天共地。平时去开茶楼食嘅所谓糯米饭只不过系一碗好湿好lum嘅饭，一分钱一分货，强记糯米饭嘅饭底粒粒分明，做到每粒都烟烟韧韧，的确唔容易。加上秘制酱油，佢地嘅糯米饭真系好好好好好好好味呀！！！同埋其实糯米饭好易腻，一次食太多会好济，尤其夏天，所以小弟觉得一碗仔其实已经好够！以前个人比较喜欢有花生嘅糯米饭，但强记偏偏唔加花生，问完老板先智纯粹系因为老板觉得佢地嘅糯米饭已经好有咬口，唔想加花生喧宾夺主，慢慢地我都习惯左食无花生嘅糯米饭😂😂糯米饭外另一
知道强记攞左米芝连小食奖已有心理准备要等，一如既往糯米饭排晒长龙，不过好彩伙记手势快所以等左三四分钟已经有得食！见有人评论糯米饭太细碗价钱于街头小食界算偏贵，但我就觉得强记糯米饭水准的确值三十四蚊！虽然系细细碗但其实食极都仲未见底，况且有见过附近桥底都有间腊味舖卖糯米饭$31，系大大碗但同强记真系差天共地。平时去开茶楼食嘅所谓糯米饭只不过系一碗好湿好lum嘅饭，一分钱一分货，强记糯米饭嘅饭底粒粒分明，做到每粒都烟烟韧韧，的确唔容易。加上秘制酱油，佢地嘅糯米饭真系好好好好好好好味呀！！！同埋其实糯米饭好易腻，一次食太多会好济，尤其夏天，所以小弟觉得一碗仔其实已经好够！
以前个人比较喜欢有花生嘅糯米饭，但强记偏偏唔加花生，问完老板先智纯粹系因为老板觉得佢地嘅糯米饭已经好有咬口，唔想加花生喧宾夺主，慢慢地我都习惯左食无花生嘅糯米饭😂😂
糯米饭外另一推荐系虾米煎肠粉！真系好正，特登叫伙记煎香d，洒上芝麻咬落又脆又香，所以同行朋友见到都学我叫一碟煎香D XD
可能因为我系熟客仔，今次老板同伙记们都特别有礼貌好好笑容，食得好开心，朋友都话我无介绍错😏
顺带一提食食下见到好多人喺出面好热闹，听其他食客讲原来系巴西电视台慕名而来拍摄，我又八卦出去影左相搏上镜😂 𠮶位食客好似帮衬左强记好耐咁话我知揾强记做访问系要靠彩数因为佢地唔系次次都肯俾人影...我净系知黎食野要预先打电话睇下佢地有无开咋因为佢地成日都休息XD 强记系威嘅明明只系街头档但海外都有人识，抵我一直做忠实粉丝！
糯米饭
$34
360 浏览
1 赞好
0 留言
虾米剪肠粉
209 浏览
0 赞好
0 留言
张贴
