影片
更多
2020-04-04
102 浏览
香港虽然唔少地方有酸菜鱼食，但系真系好好食嘅又真系唔系太数得出，如果唔系近年香港人就唔会咁钟意返大陆食酸菜鱼啦。但受疲情影响，相信未来一段时间都返唔到大陆，想食嘅朋友不妨试下呢间「厨十三老坛酸菜鱼」，佢嘅酸菜鱼做得几好，几impressive，系香港有四间店，分别位于尖沙咀、铜锣湾、油麻地及荔枝角，梗有一间系左近。铜锣湾店都几新净，环境唔错，座位宽阔几舒适。而且受政府新颁布实行嘅餐厅人流管控措施所影响，食客都需要隔台坐，所以不同食客都相隔几远下。另外，餐厅入口摆放左消毒搓手液，而洗水间亦有放李斯德林嗽口水，卫生方面都算比一般餐厅好。上上签 ($88): 内有一串串的青荀片、鹌鹑蛋、椰菜花、藕片等等，汤汁属小辣级别，都几惹味，经浸泡嘅食物都几入味，特别青荀片清甜爽嫩又带点辣都几好食。招牌老坛酸菜鱼 ($338/小份, $478/中份, 土豪份/598): 分别供约2人、3人及4人享用，而呢窝系中份，份量都几多，非常大堆头，仲可按自己喜好，自选其他配料，例如午餐肉、金菇、豆腐、土豆片、米线、宽粉、青荀片等等，每款加$28元，一般都会加一两款配料以及米线/ 宽粉等。首先，由于与水煮鱼嘅辣油唔
铜锣湾店都几新净，环境唔错，座位宽阔几舒适。而且受政府新颁布实行嘅餐厅人流管控措施所影响，食客都需要隔台坐，所以不同食客都相隔几远下。另外，餐厅入口摆放左消毒搓手液，而洗水间亦有放李斯德林嗽口水，卫生方面都算比一般餐厅好。
上上签 ($88): 内有一串串的青荀片、鹌鹑蛋、椰菜花、藕片等等，汤汁属小辣级别，都几惹味，经浸泡嘅食物都几入味，特别青荀片清甜爽嫩又带点辣都几好食。
招牌老坛酸菜鱼 ($338/小份, $478/中份, 土豪份/598): 分别供约2人、3人及4人享用，而呢窝系中份，份量都几多，非常大堆头，仲可按自己喜好，自选其他配料，例如午餐肉、金菇、豆腐、土豆片、米线、宽粉、青荀片等等，每款加$28元，一般都会加一两款配料以及米线/ 宽粉等。
首先，由于与水煮鱼嘅辣油唔同，小辣的话会类似水煮鱼嘅BB辣，中辣应该会相等于水煮鱼嘅小辣。采用100%活鱼，鱼肉鲜甜，鱼味真系几出，令我地觉得店方用料并唔马虎。每块鱼肉嘅质感都系非常非常的嫩滑可口，非常有惊喜，仲要好肥美厚肉，啖啖肉，仲要系无骨 (只有一两件有非常幼细嘅鱼骨)。酸菜汤底都唔错，所以建议点埋其他配料唔好浪费，尤其米线或宽粉呢D吸到汁又饱肚嘅主食。
红糖冰粉 ($28): 一大片透明加上红糖水，冰凉香甜，嫩滑爽口，感觉清凉降火，最重要系可以帮助解辣，所以可以边食辣嘅酸菜鱼，边食冰粉，食落又无咁腻。
芒果风味梳打特饮 ($30): 芒果糖浆加梳打汽水嘅一款特饮，味道同芒果果汁相类似，当然系偏甜啦，而且有梳打气泡饮落都几爽。虽然少饮甜野，但通常食辣都会叫杯冻野饮下，又可以解辣，饮落都无咁有罪恶感。
张贴
