慶記 (已結業)

今日星期六经朋友介绍去左大角咀既庆记。庆记用上落地玻璃，自然光令环境更明亮舒适。装潢相当别致，作为上海菜餐厅，庆记每一个角落都展现中国风既雅致，最令人深刻嘅系收银处，十足古代嘅卖食物嘅摊档，并挂上木制菜牌，古代风更浓厚。- 麻辣担担捞面酱汁由辣油、镇江醋、甜豉油同麻酱调制而成，肉燥份量超多，味道辣中带甜，轻盈而不失惹味。- 香酥排骨拼卤肉捞面捞面既酱汁偏甜，面条烟韧，配上卤肉碎可谓甜上加甜，香酥排骨一共有四大件，外脆内嫩。- 生煎胡椒包生煎胡椒包外皮香脆，胡椒味非常突出。入面猪肉馅料相当新鲜，另外亦混入京葱，口感更丰富。- 口水醉鸡卷口水鸡卷完全无骨食落非常方便，口水汁同酒香相得益彰，口水汁唔会盖过酒香。豆浆跟餐只系加$2，至于冻顶乌龙大大杯都系$3🧐总结而言，庆记非常抵食，尤其系口水醉鸡卷，只系$18咋！庆记记位于大角咀，距离奥运站只系五分钟路程，地理位置亦算方便。