影片
更多
2021-01-06
1334 浏览
喺香港食到嘅鸡汤拉面唔多，但间间都各有特色，唔会系相似味道嘅鸡汤，无论系面屋武一 、座银、立体派、定系今次介绍嘅鸟华亭。-🍜 鸡白汤拉面 💰79（👅: 9/10）至极鸡白汤拉面同鸡白汤拉面个分别就系有冇溏心蛋，𠮶时第一次食，净系想试佢个鸡汤，所以就冇特别加。餐厅嘅鸡汤系用50公斤嘅巴西鸡鸡脚同埋20公斤鸡壳，加入昆布、洋葱同姜等等，以慢火熬制12个钟，之后会放置喺摄氏四度嘅冷水降温，然后密封放喺一度嘅冷藏库24个钟，等鸡嘅精华慢慢渗出来。食拉面第一样是会试佢个汤，温度系足够，入口个鸡汤质感好厚，有少少黏口嘅感觉，以香港好食嘅鸡汤来讲佢系算口感最浓，但又唔会好咸，会令你觉得个汤非常足料，食得出好独特嘅鸡汤鲜味，再加上鸡油喺你个口腔徘徊，但鸡油都唔会令你觉得好油腻，可以讲喺香港最认真嘅鸡汤。如果你系拣大厨推介，面条会系偏硬程度，会好有嚼劲，我自己食拉面好钟意食比较硬啲嘅面，因为腍得滞就完全唔似拉面，同埋会冇口感。不过如果你叫直面嘅话，挂汤能力系一般。所以我建议大家试吓佢嘅曲面，会俾佢嘅侧面更加挂汤，面条都索满晒佢浓厚嘅鸡汤。而最后就系配料，叉烧系鸡肉叉烧，唔会一夹就散，睇得出系经过长期功夫
喺香港食到嘅鸡汤拉面唔多，但间间都各有特色，唔会系相似味道嘅鸡汤，无论系面屋武一 、座银、立体派、定系今次介绍嘅鸟华亭。
-
🍜 鸡白汤拉面 💰79（👅: 9/10）
至极鸡白汤拉面同鸡白汤拉面个分别就系有冇溏心蛋，𠮶时第一次食，净系想试佢个鸡汤，所以就冇特别加。
鸡白汤拉面
$79
49 浏览
2 赞好
0 留言
餐厅嘅鸡汤系用50公斤嘅巴西鸡鸡脚同埋20公斤鸡壳，加入昆布、洋葱同姜等等，以慢火熬制12个钟，之后会放置喺摄氏四度嘅冷水降温，然后密封放喺一度嘅冷藏库24个钟，等鸡嘅精华慢慢渗出来。
食拉面第一样是会试佢个汤，温度系足够，入口个鸡汤质感好厚，有少少黏口嘅感觉，以香港好食嘅鸡汤来讲佢系算口感最浓，但又唔会好咸，会令你觉得个汤非常足料，食得出好独特嘅鸡汤鲜味，再加上鸡油喺你个口腔徘徊，但鸡油都唔会令你觉得好油腻，可以讲喺香港最认真嘅鸡汤。
鸡白汤拉面
$79
20 浏览
3 赞好
0 留言
如果你系拣大厨推介，面条会系偏硬程度，会好有嚼劲，我自己食拉面好钟意食比较硬啲嘅面，因为腍得滞就完全唔似拉面，同埋会冇口感。不过如果你叫直面嘅话，挂汤能力系一般。所以我建议大家试吓佢嘅曲面，会俾佢嘅侧面更加挂汤，面条都索满晒佢浓厚嘅鸡汤。
而最后就系配料，叉烧系鸡肉叉烧，唔会一夹就散，睇得出系经过长期功夫，会有少少酒香，但质感唔算嫩滑，连汤食会比较好。
之后就系莲藕片同埋芦笋，莲藕片系炸过嚟所以口感好香口，但一浸汤就会好快腍。芦笋就系食落几鲜甜。
而混合䓤就有生洋葱红洋葱，唔钟意食嘅人可以唔要，但系拉面来讲系唔常见既配料，食完个口会好重味。
-
🌟我喺上面提过嘅四间鸡白汤拉面都系各有特色，但个人系几钟意一间嘅鸡白汤，可能系口味问题，有啲人会钟意立体派𠮶种鸡白汤。但呢四间鸡白汤拉面来讲，依家拉面个价钱系最平，系唔使$80嘅情况下食到一碗咁高质嘅鸡白汤拉面，绝对系物超所值，如果系钟意鸡白汤或者钟意食曲面嘅朋友绝对可以一试。
-
👅味道: 9/10
🍴环境: 7/10
💰消费: $79 (拉面) (服务费: NA)
张贴
