Little Fresh Cafe & Bar

营业中

休息中

上网见到好多人介绍，同时又系本地餐厅。所以就决定去消费一下，为香港经尽一分力。 是日餐汤系洋葱汤配蒜蓉法包，蒜蓉法包仲可以保持到暖暖地。咬落都几松脆仲几够蒜蓉味，反而洋葱汤清清地，可以中和一下口腔既蒜味。 我地当日叫左个Today Special，系法式香煎鲷鱼秘制酱汁，鱼肉煎到好香口，外层鱼皮好脆而鱼肉又好厚，煎过后，鱼肉保持鲜嫩，肉质好滑仲好结实，但一点都唔会鞋口。配有西兰花，小番茄，薯蓉作配菜。忌廉汁唔会过厚，薄薄一层Creamy好香好滑。加上小小食用花做配衬，更加色香味俱全。 田园沙律，酱汁酸酸地都几开胃。 牛肝菌汁南非鲍鱼仔意大利吞，云意大利云系吞芝士嘅馅，入面仲有入味弹牙既南非鲍鱼仔。有多种层次同口感。用高汤一齐煮过后好绵滑。