餃掂手工餃子雲吞專門店

呢则评论与食物质素无关，只评论服务文化我系呢间餐厅半常客，但多数叫网上外卖平台外卖，比较少机会到店堂食。今日难得到店光顾一次，系我自己唔好，埋单先发现我无带银包，得电话系身。长话短说，我请求店面可唔可以代我支付，我立即FPS或Payme还钱，两个店面话无FPS，叫我”你自己去揾其他人帮“。当时餐厅并唔忙。我唔好意思打搅其他食客，但感激有一对夫妇，先生一句不说，就帮我畀左钱，甚至无提要我畀番钱。 再次多谢两位伸出援手，提醒我香港有好多令我感恩既好。几年前我试过去北京出差，吃完饭畀现金人地唔收，好几次都系热心既餐厅服务员主动帮我付钱，仲帮我唱散找番钱比我，同一次行程搭的士又试过，人地停低车帮我去路边小店换钱。香港服务态度就系惯性拒绝人，唔得唔得...人有机会比较就会见到反差。呢种唔变通唔用脑既服务文化，我地几时先会觉得有需要改变？你唔改，我改先，以后别过，我唔会再帮衬。