泰華餐廳

营业中

休息中

已食完晚饭，约了朋友在沙田娱乐城交收些东西，交收完有啲肚饿，当然要揾宵夜食啦，娱乐城有5个地方有嘢食，而有宵夜食嘅就有泰华餐厅、沙龙会、新沙雀。拣咗泰华餐厅，见到晚餐($58)有忌廉汤，所以点咗焗葡汁海鲜饭，冻柠茶(+$2)，忌廉汤好稀，如果浓一些会好啲；焗葡汁海鲜饭，其实个葡汁几香浓，不过啲海鲜系仿蟹柳、仿日式鱼蛋、仿带子，食落好似胶胶地，得炸鱼柳比较似海鲜外，其实都炸得过火，几鞋口，不过又系我呢个穷鬼衰，贪平点晚餐，下次都系点返咖哩稳阵啲。而饮品当然继续点较早前从网上得知「甜饮全球每年杀18万人，冻柠茶是凶手之一」成日害人不浅嘅凶手冻「柠茶」，今次呢杯饮料算够冻，合格！