風彩餐廳

营业中

休息中

话说之前有博客话香港无宵夜，但其实香港宵夜多到数唔哂，食完晚饭，去完佐敦辨点事，又系时候食宵夜了，经过广东道近佐敦道，见到一间好光猛嘅餐厅，好似收凌晨三时，咁即刻入去食宵夜。点了正宗海南鸡饭($58)，奉送明火例汤及油菜一碟，另可加冻热饮，只加$7，我见到其他餐可跟忌廉汤、罗宋汤，多口问下可否转忌廉汤，服务员谂咗两秒，说可以，油菜点了菜心，另跟冻柠茶。先饮忌廉汤，是罐头的忌廉汤，另加了大量罐头切片磨菇，其实味道几淡，不过我喜欢忌廉汤；菜心算爽脆，如多些蚝油更好；油饭加海南鸡是分开上的，油饭做得算马虎，味道还可以；海南鸡皮不算太肥，鸡肉够嫩滑，如果可以起埋骨更好，不过正不正宗就.........而饮品当然继续点较早前从网上得知「甜饮全球每年杀18万人，冻柠茶是凶手之一」成日害人不浅嘅凶手冻「柠茶」，今次呢杯饮料也不够冻，但茶味算够浓，合格。