金鳳大餐廳 (山林道)

营业中

休息中

圣诞节就系想食大餐嘅心情，而其中一样就当然系锯扒。而讲起锯扒首先都会谂起金凤大餐厅，所以今晚就去锯扒顺便行去海傍睇灯饰。每份扒餐都跟餐汤、包同埋野饮。餐汤有分红同埋白汤，两款都拣咗白汤，味道好浓厚，仲有细细粒嘅椰菜花唔止颜色上好夹，仲煮到入晒味好正特别推荐嘅食法系，将餐包嘅牛油加小小落去，会更加浓郁每月精选会有两款扒餐，都系铁板上，仲多咗前菜沙津同甜品今日A餐系本来已经想食嘅带子牛柳，另一个餐就叫咗美式杂扒餐铁板到嘅时候职员会贴心咁提大家拎定餐纸，如果电话放系枱都会提你拎开先之后就会淋汁，有黑椒同蒜蓉汁锯扒最正就系望住热焫焫嘅铁板上面淋上酱汁果阵滋滋声，再加埋伴随著嘅香气未食已经系一场视觉、听觉同埋味觉嘅多重盛宴。黑椒汁味道比较浓，淋面嘅时候香味成间餐厅都闻得到牛柳可以拣几成熟，铁板系超够热所以上枱果阵会将牛柳再整熟啲食落够嫩滑有牛味带子都大大粒好厚肉加埋黑椒汁超惹味啊美式杂扒可以一次过满足晒唔同愿望，有猪扒、牛扒、鸡翼、香肠、火腿每样都够大份仲好好食特别系鸡翼预先炸过餐饮都加咗特饮除咗黑牛之外居然仲有金牛同埋红牛依啲未见过嘅特色饮品当然要试下﹗金牛系芒果雪糕加忌廉，而红牛系士多啤梨雪