勝利菜館

营业中

休息中

大排档最岩就系同一班人一齐围埋食饭倾计！今次就约左几位旧同事聚下旧。卤水拼盘黎到大排档必定要试既卤水拼盘, 墨鱼爽滑弹牙, 鲜甜美味; 红肠薄薄一片却不减爽口; 猪肠洗得干净, 卤水十分入味爽口而且一啲猪臭味都冇; 拼盘当中一定小不了卤豆腐, 亦都系拼盘既灵魂, 炬豆腐既外皮吸收哂卤水既精华, 咬落去白滑既豆腐中和当中既咸, 并带出丝丝甜味, 真系好好味。猪红萝白大排档既猪红萝白系系边到都食唔出个种风味, 萝白煮到好谂而且唔会一夹就散, 十分清甜而且配埋辣椒油真系一绝, 再加埋猪红亦都煮到一咬下去中间既汤汁渗出, 两种质感真系好正啊!西兰花炒鲜鱿西兰花炒到十分爽口, 加埋草菇同红萝卜有唔同既质感, 鲜鱿十分厚肉而且食落一啲都唔似食紧香口胶, 系好爽口鲜甜, 果然系镬气之下炒出黎真系好好味！辣酒煮花螺花螺既份量都算多, 每只花螺肉都渗哂辣酒既味道, 令到花螺既味道辣辣地十分惹味。煲底之下仲铺满厚厚的粉丝, 粉丝完全吸哂辣酒同花螺既精华, 十分邪恶。配白饭真系一绝！