丹丘蒸留所試酒室 (南豐紗廠)

营业中

休息中

Wine tasting workshop 就听得多，原来仲有Gin Tasting workshop （$128/45mins)，调酒师会细心讲解品尝嘅步骤，一开始会有三款烈酒试，分别系由唔同嘅材料制成，其中一款系自家制白兰树下Gin酒，喺荷兰嘅酒厂做蒸馏。白兰树下用上13款材料制成，加入咗香港嘅特色，用咗香港嘅白兰花，代表到天坛大佛嘅檀香，15年陈皮，药材当归，最顶级嘅施峰龙井茶叶，味道分咗前中后劲，味道复杂有特色。最后调酒师会用白兰树下调制一杯Gin Tonic俾大家饮，可以用柠檬皮、橙皮、或者迷迭香为Gin Tonic增添口感。另外仲有一种coffee Liquor 用咗白兰树下做base调制，入口比较甜，好啱女仔饮或者用来做甜品。