忠記粥品 (機利文新街)

营业中

休息中

小妹最近悭妹上身，系公司附近周围捐揾平靓正lunch食，行到黎呢条街，成条街都系茶记，食肆，咖啡店。行到街口见到间装潢好传统既粥店，唔想食得咁heavy, 就清清地食碗粥做午餐啦😃叫左一碗猪红粥，一个炸两，三十几蚊。一个女仔黎讲系好够饱。呢间粥档既粥底好绵，食到最后先有少少出水，猪红重好多我食唔哂，返而想佢俾多啲粥🤣炸两系新鲜即做，外软内脆。最钟意就系加大量既甜酱，麻酱同辣酱，卷系外面既肠粉质地唔算好滑，不过好有米浆米，成件事就系一种好传统好香港既味道，同食连所粥面店真系两回事。 再食埋个环境气氛同人情味，系香港地真系买少见少，真系好难得再揾到。希望呢啲传统老店可以一直传承落去，等我老左都重食到呢啲回忆既味道。