波記(大排檔) (已結業)

星期六要返工，初初晌中环返工，中午一个人食饭，好等我周围揾下食先。沿住威灵顿街斜路上，一路都有好多好野食，莲香楼呀，餐厅呀，等系一个人又要开工，都系揾啲"速食" 先。突然，闻到一阵镬气，又见横街有个阿姐话"食饭呀，有位㖞"，仲要系大排档，一定唔会贵啦，好就试下先。一坐低，阿姐递个餐牌埋黎，睇左一下，好今日就要"星洲炒米"啦望下周围，佢都好似好有历史下，有好多街坊啦，工人晌度开餐，因为系街边大排档形式经营，冷气呀，装修呀，一切欠奉，好彩今日天阴。见住个厨师，唔使几分钟就整好在星洲炒米，送到枱上，香气扑鼻，好等我试一试先。佢呢个炒米材料有火腿丝，蛋丝，银芽仲有洋葱，无加青椒，香味都好多够，由于炒米关系，师傅落油都重手啲，食完之后，成个碟底都系油。米粉唔会太淋，一夹就散。整体来说，不过不失啦。由于要开工的关系，食完就急急起身返公司喇，诚惠 26 元。