自家製韓國刀削麵 (山林道)

营业中

休息中

山西刀削面食得多，韩国刀削面真系未试过。早排老婆话想食韩国好西，即刻上网search见到呢间全港第一家自家制韩国刀削面，我谂应该适合钟意试新嘢嘅佢。虽然地理位置唔算方便，但食完真系觉得嚟得好值得。 首先，server态度好好，全程超好笑容，又会介绍有咩好食啱食。中间有客人话想去洗手间，高佬哥哥即刻拎纸巾俾佢，好impressed。 跟住讲吓食物- ✦ 花蛤刀削面 HKD78 ✦ 花蛤足料而有鲜味，完全冇沙。刀削面烟韧弹牙。汤底鲜甜。份量系非常大碗，作为男人都食唔晒。 ✦ 豆汁冷面 HKD78 ✦ 豆汁浓厚。就咁饮甜甜哋、有豆渣、好饱满。加少少盐挂埋落个面度，口味特别，咸甜交融几合衬。 ✦ 双拼饺子 HKD58 ✦ 超 级 巨 型，饺子拳头咁大只，皮薄、馅又靓又多。双拼有大泡菜饺子同大猪肉饺子两种。泡菜款辣辣哋好惹味，而猪肉款就行鲜味、爆肉汁路线。