影片
更多
2021-06-30
37 浏览
约朋友去上环下午茶，在地铁站附近找到这间休闲风咖啡店，环境舒服写意，食物有质素，最惊喜仲系有得意立体拉花咖啡，最适合相机食先的我和你。由上环A2出口行过去只要一分钟左右，交通超方便，不用行斜路上山，宝宝表示高兴。咖啡店面积不大，坐满都只系二十人左右。这天下午茶时间来比较易揾位，亦可以坐耐一点。除了喝咖啡，店内也有卖酒，所以有蛮大的酒柜。装修有少少外国酒馆风情，气氛好chill，好适合倾偈。最入面的墙上有世界地图。最有趣系座位后面有好多 Ironman 的模形公仔，店主一定系钢铁人粉丝。这个 Q版钢铁人仲开cafe添！餐点以西餐为主，第一版有好多人钟意的全日早餐，亦有更饱肚的意粉意大利饭，跟朋友分享都有多款小食拣，当然仲有重量级主食。全日早餐、意粉和意大利饭都有方便素食选择，店员亦会问清楚是否吃五辛，几贴心。最吸引我当然系这个立体拉花咖啡，仲可以自选动物造型呢。当然仲有更多饮品选择啦，都几适合约朋友来饮野㖞。3D Cappuccino HK$70立体拉花饮品可以拣朱古力或咖啡底，公仔又可以拣猫、狗或熊仔，我会贪心咁问可唔可以整 Ryan 衬返我个指甲，结果唔知点解得到 Viu TV，都系
约朋友去上环下午茶，在地铁站附近找到这间休闲风咖啡店，环境舒服写意，食物有质素，最惊喜仲系有得意立体拉花咖啡，最适合相机食先的我和你。
由上环A2出口行过去只要一分钟左右，交通超方便，不用行斜路上山，宝宝表示高兴。
咖啡店面积不大，坐满都只系二十人左右。这天下午茶时间来比较易揾位，亦可以坐耐一点。
除了喝咖啡，店内也有卖酒，所以有蛮大的酒柜。
装修有少少外国酒馆风情，气氛好chill，好适合倾偈。
最入面的墙上有世界地图。
最有趣系座位后面有好多 Ironman 的模形公仔，店主一定系钢铁人粉丝。
这个 Q版钢铁人仲开cafe添！
餐点以西餐为主，第一版有好多人钟意的全日早餐，亦有更饱肚的意粉意大利饭，跟朋友分享都有多款小食拣，当然仲有重量级主食。全日早餐、意粉和意大利饭都有方便素食选择，店员亦会问清楚是否吃五辛，几贴心。
最吸引我当然系这个立体拉花咖啡，仲可以自选动物造型呢。
当然仲有更多饮品选择啦，都几适合约朋友来饮野㖞。
3D Cappuccino HK$70
立体拉花饮品可以拣朱古力或咖啡底，公仔又可以拣猫、狗或熊仔，我会贪心咁问可唔可以整 Ryan 衬返我个指甲，结果唔知点解得到 Viu TV，都系哺乳类动物唔好计较咁多，只熊都几得意丫。饮这个可以用饮管仔，咁就唔会饮到成脸泡或者整烂只公仔，咖啡底都几香几好味。
Milk Chocolate HK$36 (S)
朋友饮热朱古力都有好犀利的公仔拉花，仲一次过得到熊仔猪仔和猫仔，好抵㖞衰鬼！朱古力唔会太甜，饮到底个拉花都仲好keep到呢。
茄蓉杂菜千层面 HK$88 / 香煎盲𫚧柳 HK$218
朋友拣左饱肚主食，这个煎鱼原来每日都唔同，视乎有甚么新鲜鱼，这天就是三文鱼柳，份量都几多入面仲好 Juicy。条鱼下面仲有好大份薯蓉，亦有些蔬菜，水准唔错。
我就食好耐无食的千层面，见到有素食版当然即刻拣！上来比想像中大碟，新鲜出炉香气十足。长方形烤盘两边系薯蓉，中间先系千层面，食起来唔会闷。千层面中间系浓郁番茄酱和各种蔬菜，调味做得唔错，咁大碟食晒都真系饱。
番茄酱味道香浓，中间有翠玉瓜和椰菜花之类，吃起来口感好多层次，令人非常满足。
在上环想找个闹中带静的空间跟朋友交换近况，Friday Cafe 有得意饮品又有高质美食，真系个唔错的选择呢！
张贴
