珍心素食豆漿豆腐花專門店 (已結業)

好耐之前在湾仔吃过一次 珍心素食 已经留下深刻印象，事隔多年都无乜机会再食，今日经过旺角揾地方食午餐，忽然醒起又行入去食下。平民价钱选择多元化，仲要真系好好食，食完好想揾日再去食肠粉豆花碗仔翅。素食餐厅在旺角砵兰街，在油麻地和旺角地铁站中间，我自己就成日会行过果头，所以都几方便易揾。入面装修简简单单，就系一般香港茶餐厅小店的Style。除了一般餐牌之外，店内墙上仲贴左好多唔同菜式，周围望下又见到有新野食，感觉几有趣。疫情期间推出多款外卖饭餐，非常抵食。个餐牌真系好多元化，除了饭和汤面之外，仲有各种点心小食，花多眼乱样样都好想食。食完正餐仲有豆腐花和其他中式甜品，真系好需要再来食多几次。沙嗲素牛汤汤面 + 豆浆 HK$54面底可以拣荞麦面或乌冬，或者加钱升级转南瓜糙米米粉。原先以为会系沙嗲汤底，点知系类似豆乳浓汤劲好饮！沙嗲牛肉个酱好重花生酱味，热爱吃花生酱的宝宝表示高兴！食落仲唔会好油腻，碗面仲有菜、海带、红萝卜丝和玉米粒，有齐唔同颜色又够丰富。好耐都食过咁好食的素汤面㖞，真材实料又有用心机煮的感觉，以后要多点再来吃。