影片
更多
2020-07-06
1623 浏览
这间超隐秘咖啡店在旺角闹市楼上，要识路先揾到上去，升降机门一开就柳暗花明又一村。除了环境几靓好适合网美打卡，Menu上面竟然都揾到几款素食，又真系估佢唔到㖞。 咖啡店在中国移动旗舰店楼上，呢个位置其实有少少唔好彩，好多人可能唔想入中移动门口搭升降机上去。中国移动旗舰店门口宜家仲围晒木板，揾个门口真系难上加难。环境走华丽风，中间个吧台劲靓，粉红色配色充满少女心。你睇清楚d圆盘中间，原来系press咖啡粉个手柄，设计几有心思。最正当然系平日午饭时间都无咩人，唔洗惊排队等位，亦唔难影到打卡相。午市套餐真系异常抵，用手机开FB扫QR code可以加入会员，入左会午餐有85折又唔收加一，仲可以储印仔储免费咖啡，好适合精明师奶仔。午市套餐有两款佢标明系「Vegan」，不过我食个未来汉堡系有芝士，个包食起来都几香牛油味，我谂应该有蛋奶。我食完有现场向店员反映返，唔知佢地会唔会调整，如果你不吃蛋奶的话就要问清楚啦。坐窗边可以望下街，采光又好，都几舒服既。 午餐(9) 未来肉汉堡 HK$66(会员价) Caffe Latte +HK$8我杯咖啡有熊仔(定猫仔)拉花，都几得意，而且个espresso竟
这间超隐秘咖啡店在旺角闹市楼上，要识路先揾到上去，升降机门一开就柳暗花明又一村。除了环境几靓好适合网美打卡，Menu上面竟然都揾到几款素食，又真系估佢唔到㖞。
咖啡店在中国移动旗舰店楼上，呢个位置其实有少少唔好彩，好多人可能唔想入中移动门口搭升降机上去。中国移动旗舰店门口宜家仲围晒木板，揾个门口真系难上加难。
环境走华丽风，中间个吧台劲靓，粉红色配色充满少女心。你睇清楚d圆盘中间，原来系press咖啡粉个手柄，设计几有心思。最正当然系平日午饭时间都无咩人，唔洗惊排队等位，亦唔难影到打卡相。
午市套餐真系异常抵，用手机开FB扫QR code可以加入会员，入左会午餐有85折又唔收加一，仲可以储印仔储免费咖啡，好适合精明师奶仔。
午市套餐有两款佢标明系「Vegan」，不过我食个未来汉堡系有芝士，个包食起来都几香牛油味，我谂应该有蛋奶。我食完有现场向店员反映返，唔知佢地会唔会调整，如果你不吃蛋奶的话就要问清楚啦。
坐窗边可以望下街，采光又好，都几舒服既。
午餐(9) 未来肉汉堡 HK$66(会员价) Caffe Latte +HK$8
我杯咖啡有熊仔(定猫仔)拉花，都几得意，而且个espresso竟然系单品豆，又几犀利。因为你平时出去咖啡店饮意式咖啡，个豆都系混合既，转单品豆仲要加钱。不过这里就没有植物奶转勒。
食物质素就一般般啦，Beyond Meat 汉堡都系基本配搭，个包都几有诚意既，仲有半碟沙律菜都系靓菜，呢个价钱CP值算高。
近排去咖啡店间间都好多人，有d打卡店仲可能要排队，想安安静静坐得舒舒服服可能要晨早八点出去。呢间在旺角地点超就脚，有荤有素有靓拉花咖啡，如果唔系谂住食好西，纯粹想揾个地方坐下同朋友倾计都nice既。
张贴
