薄餅型 (已結業)

行去油麻地百老汇电影中心，路过见到这间新开业的薄饼店，不同口味的薄饼可以成个买也可以单件带手，仲有一人、二人、三人、四人和八人套餐，非常适合开派对或一家大细。我叫左个二人餐试下，有薄饼有饭有鸡仲有饮品，$170有找非常丰富。薄饼店在油麻地新填地街地铺，店面都几抢眼。薄饼口味有六款，可以单件、大批或巨批咁买。套餐2-8人都有得拣，约朋友开派对唔使自己煮得咁辛苦。单件的薄饼都几大块㖞。蘑菇饭和肉酱意粉模式几可爱。仲有脆鸡和各种炸物小食。炸鸡套餐都几受欢迎，有鸡有汽水下午茶必备。素食主义者薄饼黑橄榄、红椒、青椒、番茄、红洋葱、莫萨里拉芝士竟然都有一款素食薄饼㖞，配料都几多元化，有红有绿又有超多橄榄，薄身批底亦几好咬口，有少少惊喜。蘑菇饭份量超大，酱汁亦香浓惹味。脆鸡可以拣辣或不辣，新鲜炸起外皮香脆，鸡肉都算嫩滑多汁。不想煮饭的日子特别想叫薄饼，返屋企前行去买个外卖，好味又满足。