影片
更多
2022-01-25
270 浏览
成日觉得葵兴站系工厦区好落后，原来宜家地铁站有天桥连接商场，去 入素 吃饭劲方便！第一次去食见有枝竹素羊腩觉得劲吸引，套餐有汤有饭有热茶都几抵食㖞。大乡里好久没去葵兴站，原来有行人天桥连接新商场「活@KCC」，商场入面好多餐厅和咖啡店，约食饭好多选择。搭升降机上八楼，一开门就见到入素，同层还有一间咖啡店和一间面店。这间入素比石门店大好多，装修走小清新路线，唔少角落都可以影下打卡相。座位都几多㖞，入面仲有向窗的单边位。整个气氛年轻又舒服，约下朋友食饭都ok。虽然都系楼景，不过望落够开扬。午市套餐都颇多选择，有饭有面有汉堡，招牌系手工海南鸡饭和吉列猪扒。现在都用手机 QR code 点餐快捷方便。新推出的有枝竹素羊腩餐，餐厅仲有自家制手工素肉可以买定摆雪柜。枝竹素羊腩套餐 HK$88/配香菇素汤、白饭、热乌龙茶 (奶素)上菜速度几快唔需要等太耐，素羊腩份量十足，入面仲有生菜、马蹄、冬菇和红萝卜，个汁可以捞饭食。饭量可以拣少饭/少少饭，我拣左少少饭都好够食，不过唔够都可以添既。香菇素汤香浓好味，个乌龙茶都几香㖞。素蚝油娃娃菜 +HK$25想食多几条菜就另外再加点，素蚝油可以自己淋落去唔惊太咸
成日觉得葵兴站系工厦区好落后，原来宜家地铁站有天桥连接商场，去 入素 吃饭劲方便！第一次去食见有枝竹素羊腩觉得劲吸引，套餐有汤有饭有热茶都几抵食㖞。
大乡里好久没去葵兴站，原来有行人天桥连接新商场「活@KCC」，商场入面好多餐厅和咖啡店，约食饭好多选择。
搭升降机上八楼，一开门就见到入素，同层还有一间咖啡店和一间面店。
这间入素比石门店大好多，装修走小清新路线，唔少角落都可以影下打卡相。
座位都几多㖞，入面仲有向窗的单边位。
整个气氛年轻又舒服，约下朋友食饭都ok。
虽然都系楼景，不过望落够开扬。
午市套餐都颇多选择，有饭有面有汉堡，招牌系手工海南鸡饭和吉列猪扒。现在都用手机 QR code 点餐快捷方便。
新推出的有枝竹素羊腩餐，餐厅仲有自家制手工素肉可以买定摆雪柜。
枝竹素羊腩套餐 HK$88/配香菇素汤、白饭、热乌龙茶 (奶素)
上菜速度几快唔需要等太耐，素羊腩份量十足，入面仲有生菜、马蹄、冬菇和红萝卜，个汁可以捞饭食。饭量可以拣少饭/少少饭，我拣左少少饭都好够食，不过唔够都可以添既。香菇素汤香浓好味，个乌龙茶都几香㖞。
素蚝油娃娃菜 +HK$25
想食多几条菜就另外再加点，素蚝油可以自己淋落去唔惊太咸。。
老板招待雪花糕，甜品配茶刚刚好。
雪花糕外面系满满雪白椰丝，中间系软软的抹茶糕，口味清清淡淡唔会腻。
葵青区的朋友记得mark低这间素食餐厅，咁多款野食可以慢慢逐款试。
张贴
