影片
更多
2021-06-03
497 浏览
夏日炎炎点都要出去享受下阳光与海滩，不过怕晒如我当然唔会行出去爆晒，梗系揾间响海滩旁边的餐厅，舒舒服服叹住美食望海啦！我成日以为马湾好难去，原来只要在葵芳或者青衣站转巴士，快捷方便又唔难揾，平日个海滩又有树荫又唔会好逼人，好适合放假去 Chill 一 Chill 啊！搭巴士去到临海广场/海滩广场落车，即系过左桥第一个站，然后入商场落沙滩就会揾到餐厅，路唔算复杂难揾。La Rosabelle 装饰走希腊风情，蓝白配色好适合影度假风打卡相！餐厅就在海滩旁边，食完饭行出门口就可以玩沙，天气好亦可以坐沙滩上面的座位啊。餐厅主打地中海菜式，即系用天然食材阳光调味的清新饮食，所以我地都拣左几款必吃的地中海名菜。主食有薄饼、意粉和各种肉类可以拣。饮品都以酒精类为主，当然也有汽水果汁啦。Hoegarden HK$60 / Corona HK$45不过对住阳光海滩系会好想饮啤酒既！Draught Beer 原来咁大杯，真系饮啤酒都饱㖞！特色地中海四式泥蓉配彼得包 HK$168地中海菜最出名一定系HUMMUS，最经典系鹰咀豆，另外有茄子、红椒合桃和辣味鹰嘴豆，四款味道都唔错，不过红色果两个都几辣，点青瓜都
夏日炎炎点都要出去享受下阳光与海滩，不过怕晒如我当然唔会行出去爆晒，梗系揾间响海滩旁边的餐厅，舒舒服服叹住美食望海啦！
我成日以为马湾好难去，原来只要在葵芳或者青衣站转巴士，快捷方便又唔难揾，平日个海滩又有树荫又唔会好逼人，好适合放假去 Chill 一 Chill 啊！搭巴士去到临海广场/海滩广场落车，即系过左桥第一个站，然后入商场落沙滩就会揾到餐厅，路唔算复杂难揾。
La Rosabelle 装饰走希腊风情，蓝白配色好适合影度假风打卡相！
餐厅就在海滩旁边，食完饭行出门口就可以玩沙，天气好亦可以坐沙滩上面的座位啊。
餐厅主打地中海菜式，即系用天然食材阳光调味的清新饮食，所以我地都拣左几款必吃的地中海名菜。
主食有薄饼、意粉和各种肉类可以拣。
饮品都以酒精类为主，当然也有汽水果汁啦。
Hoegarden HK$60 / Corona HK$45
不过对住阳光海滩系会好想饮啤酒既！Draught Beer 原来咁大杯，真系饮啤酒都饱㖞！
特色地中海四式泥蓉配彼得包 HK$168
地中海菜最出名一定系HUMMUS，最经典系鹰咀豆，另外有茄子、红椒合桃和辣味鹰嘴豆，四款味道都唔错，不过红色果两个都几辣，点青瓜都食唔掂，建议唔食得辣都系拣返鹰嘴豆或者茄子。茄子泥充满碳焦香，我非常钟意！
特色地中海薄饼 HK$128
这里的薄饼用类似彼得包的面皮做底，地中海口味有茄子、青椒、橄榄、洋葱、雅枝竹、番茄和红洋葱超级丰富！不过最正都系有劲多 Mozzarella 和 Feta Cheese，啖啖都以芝士味为主，完全食唔到我唔钟意的青椒和橄榄，呃细路食蔬菜之选！
薄薄的面包饼皮，批边咬起来脆口，配厚厚的馅料又几爽。
香草牛油烤全鸡(去骨) HK$298
朋友吃这个烤全鸡，已经起好晒骨真系方便，用碳火烤过火喉十足。伴碟的薯条都几脆几好食，沙律用油醋汁清爽返。
舒舒服服享受阳光与海滩，又有啤酒和美食，我非常满意自己这个安排。
张贴
