影片
更多
2024-09-25
1362 浏览
无意中见到某媒体上有人报料，中环歌赋街开左间新拉面店，有我一直好想试，而响香港又难会揾到嘅昆布水沾面🍜咁仲等咩，冲啦喂！酱油昆布水沾面🍜追加盛盒🥩🥚香味 (5/5) - 沾汁嘅酱油香同其它店闻到嘅香味差距颇大，比较优雅，而且烟熏味极浓，论香味真系冇野弹，令第一印象非常好。酱油沾汁 (4.5/5) - 先讲颜色，以酱油沾汁来讲，佢唔算深色，属红茶色，清澈，上面浮嘅油清楚见到，上面仲有葱，卖相冇得输。沾汁嘅味道亦相当好，浓度咸度刚好，酱油嘅味道好特别，唔系大众货色，感觉高雅。加埋烟熏味嘅加持，呢个沾汁我认为近乎完美。唯一少扣分嘅系同用餐体验有关，稍后讲。昆布水 (3/5) - 我第一次试昆布水，唔太知用咩标准去比分。我比3分嘅原因系，昆布水本身近乎系冇乜味，佢一如所料咁，质地相当之黏痴痴，有d似秋葵入面d肉嘅质地。但，稠而不浓，冇乜味道嘅情况下，我认为佢存在嘅价值就只系为左提升口感，而呢件事佢系做到嘅。面条 (3/5) - 幼面，偏白色，小曲。面条并唔系一般拉面店会遇到，用小麦粉造嘅面，呢款面本身冇乜味，有d似日式素面。口感方面非常烟韧，似食紧韩式嘅水冷面。无论我系就咁食，加岩盐食，或沾落
酱油昆布水沾面🍜追加盛盒🥩🥚
酱油昆布水沾面🍜追加盛盒🥩🥚
$178
405 浏览
0 赞好
0 留言
香味 (5/5) - 沾汁嘅酱油香同其它店闻到嘅香味差距颇大，比较优雅，而且烟熏味极浓，论香味真系冇野弹，令第一印象非常好。
酱油沾汁 (4.5/5) - 先讲颜色，以酱油沾汁来讲，佢唔算深色，属红茶色，清澈，上面浮嘅油清楚见到，上面仲有葱，卖相冇得输。沾汁嘅味道亦相当好，浓度咸度刚好，酱油嘅味道好特别，唔系大众货色，感觉高雅。加埋烟熏味嘅加持，呢个沾汁我认为近乎完美。唯一少扣分嘅系同用餐体验有关，稍后讲。
昆布水 (3/5) - 我第一次试昆布水，唔太知用咩标准去比分。我比3分嘅原因系，昆布水本身近乎系冇乜味，佢一如所料咁，质地相当之黏痴痴，有d似秋葵入面d肉嘅质地。但，稠而不浓，冇乜味道嘅情况下，我认为佢存在嘅价值就只系为左提升口感，而呢件事佢系做到嘅。
面条 (3/5) - 幼面，偏白色，小曲。面条并唔系一般拉面店会遇到，用小麦粉造嘅面，呢款面本身冇乜味，有d似日式素面。口感方面非常烟韧，似食紧韩式嘅水冷面。无论我系就咁食，加岩盐食，或沾落去个沾汁道食都好，除左烟韧口感，同昆布水嘅黏之外，我就食唔出任何味道了。
呢个系岩盐，咸味比较清新。
配料 (4.5/5) - 呢份配料，叉烧，蛋同荀都系要额外叫嘅（盛盒）。
盛盒入面，叉烧有两款，用左应该系猪里脊，同五花肉。因为有烟熏过，上菜前亦有用火枪烧过，香味系非常之好，味道亦好好。唯一少扣分系，呢两款肉无论系烹调方式，形状，大小，厚薄，近乎系一样，口感亦相近。我真心食吓食吓，唔记得左自己食紧边款肉。
荀同蛋方面，稳阵，中上。蛋嘅生熟度控制得好好，少少流心，可惜嘅系，我宁愿佢唔预先切开，只蛋若果响自己口中爆浆，感觉会更好。
另外一提，沾汁入面都有一款薄切猪肉，份量都唔少架㖞，味道就可以啦（同盛盒入面两款叉烧当然系冇得比啦），算加左诚意分。
整体 - 值得推荐 👍👍👍👍
讲真，呢间咁高级嘅拉面店，坐落中环拉面激战区，以佢嘅服务，店内环境，同碗沾面本身，虽然佢定价都颇高，但我认为都有数围，对得住个价钱。
题外话/补充资料：
有一样野不得不提，昆布水沾面同一般沾面玩法有一样野唔同，食到尾系冇得话加汤去稀释个沾汁，而系要用食净嘅昆布水倒落去。好彩，我临尾都有净昆布水，不过，一来，我净返嘅昆布水唔多，唔足以令个汁足够被沟稀，仲系颇咸，二来，昆布水令成个酱油汤变得好杰，食到底会觉得腻，我宁愿佢加普通汤落去，沟稀同沟薄佢，埋尾会更清爽，体验会更多个层次。因此，个汤我系饮唔晒，唔系饱，系太厚太杰太咸，真系饮唔到底。原先个汤系好好味，少少因此而浪费左。
(以上食记乃用户个人意见 , 并不代表OpenRice之观点。)
张贴
