Chip In Fish & Chips (已結業)

香港真系唔系好多地方食到传统英式Fish and chips，早前系网上见到西贡开左间 Fish & Chips 专门店，老板娘仲要系英国生活多年后回流返香港，令我深信食物一定有返咁上下水准。小店位于西贡敬民街，近巴士总站，虽然主打外卖生意，但系都有几张台系店内同店外俾客人。炸鱼薯条有分大同细两个size。鱼只有大西洋鳕鱼一个选择，落左order后，店员就会系开放式厨房内即时烹调，虽然店方无以传统英国模式去用白报纸包住鱼同薯条，但系炸鱼入口相当松脆，肉质鲜嫩又够大块，相信粉浆系以传统方法加入啤酒整成。薯条方面系英式既粗条，做法相当正宗，不过个人认为若果可以落少D盐既话，味道会更加好。一份炸鱼薯条可以拣一种酱汁，分别有茄汁，他他酱同埋醋，而咖哩汁就要加钱。 系我眼中，食鱼柳配他他酱同埋英式薯条配茄汁系必须，缺少任何一样都唔得，如果可以Free两款酱，咁就真系完美啦。