巨一麵堂 (已結業)

叉烧味噌汤面叉烧盐味汤面煎饺子喺另一位老饕多番推荐下，我终于嚟左呢到食。一入门就系一位日本欧巴桑招呼，由于唔知佢讲唔讲中文，我地都系用左日文落单。面嘅种类算多，一望落去想食嘅都有几碗，但一切由由基本开始，所以试味噌。呢间嘅味噌唔似札幌no.1 咁，要我用女仔型容嘅话，札幌系温柔文静，呢间就系刚强主动。味道鲜明，一入口嘅味蕾冲击系几remarkable。叉烧亦做得好好，大块得嚟重系入口即化。另一碗同行叫嘅，汤底清而浓，香浓鱼介汤衬托出面质，面身入口出奇地滑，会令人食唔停。最后就系个煎饺喇！饺子本身冇咩特别，但印象深刻嘅系酱汁，佢系自动加左辣油入饺子酱油嘅，呢一样系我几欣赏嘅，因为店家有信心，佢想我地食到嘅味道系exactly 佢地设计出嚟，呢样嘢唔系好多店做到。